बेळगाव : विद्यार्थ्यांचे शैक्षणिक टाळण्यासाठी 23 ऑगस्टपासून शाळा महाविद्यालये सुरू (school and college start) करण्याचा निर्णय घेण्यात आला आहे. (belgaun news) त्यानुसार पहिल्या टप्प्यात दहावी व बारावीचे वर्ग सुरू केले जाणार आहेत. विद्यार्थ्यांचे लक्ष लागून राहिलेला दहावीचा निकाल 7 ऑगस्ट रोजी जाहीर होण्याची शक्यता आहे. (10 th result)

गेल्या काही दिवसांपासून शिक्षण खात्याने शाळा लवकर सुरू करण्यासाठी प्रयत्न सुरू केले होते. मात्र कोरोनाच्या (covid-19) संभाव्य तिसऱ्या लाटेमुळे दोन आठवडे शाळा सुरू करू नयेत असा सल्ला तज्ज्ञांनी दिला होता. त्यामुळे शाळा सुरू करण्याचा निर्णय पंधरा दिवसांसाठी पुढे ढकलण्यात आला होता. मात्र गेल्या वर्षीप्रमाणेच दहावी व बारावीच्या विद्यार्थ्यांचे शैक्षणिक नुकसान होऊ नये. यासाठी पहिल्या टप्प्यात दहावी व बारावीचे वर्ग सुरु करण्याचा निर्णय शिक्षण खात्याने घेतला आहे. त्यामुळे विद्यार्थ्यांना मोठा दिलासा मिळणार आहे.

अनेक दिवसानंतर शाळा महाविद्यालये सुरू करण्याचा निर्णय घेण्यात आला असला, तरी शाळा व महाविद्यालये कशा प्रकारे सुरू केले जाईल. त्याची नियमावली काय असेल याबाबतची स्पष्ट माहिती अजून देण्यात आलेली नाही. अशी माहिती जिल्हा शिक्षणाधिकारी दिली असून अधिकृत माहिती येताच सर्व शाळांना याबाबत कळविण्यात येईल अशी माहिती दिली आहे. गेल्या महिन्यात झालेल्या दहावीच्या परिक्षेचा निकाल जाहीर करण्याची तयारी शिक्षण खात्याने केली आहे. शनिवारी निकाल जाहिर होण्याची शक्यता असून यावेळी ओएमआरआर शीटद्वारे परीक्षा घेण्यात आल्याने निकाल लवकर जाहीर करण्यास मदत झाली आहे.