कोडिंगचा प्रारंभ करण्यासाठी सर्वोत्कृष्ट प्रोग्रामिंग भाषा ओळखणे विद्यार्थी व पालकांसाठी आव्हान ठरते. प्रोग्रामिंग भाषा प्रामुख्याने दोन प्रकारच्या असतात, ब्लॉक-आधारित आणि मजकूर-आधारित. ब्लॉक-आधारित भाषा खूपच दृश्यमान आणि लेगो ब्लॉक्सप्रमाणेच आहेत. मुले भिन्न कोड ब्लॉक्स ड्रॅग, ड्रॉप आणि अॅटॅच करू शकतात. मजकूर-आधारित भाषा अधिक अवघड वाटतात, कारण त्यास काही वाक्यरचनांचे ज्ञान आवश्यक आहे. थोडक्यात, अकरापेक्षा अधिक वयाची मुले मजकूर-आधारित भाषांसह प्रारंभ करू शकतात. आपण पुढील भाषांनी सुरुवात करू शकता. 

स्क्रॅच 
8 ते 11 वर्षांच्या मुलांसाठी कोडिंग प्रवास सुरू करण्यासाठी ही एक उत्कृष्ट व्हिज्युअल प्रोग्रामिंग भाषा आहे. ती ‘एमआयटी’ने 2003मध्ये विकसित केली होती आणि 18 वर्षानंतरही ती लोकप्रिय आहे. आज, स्क्रॅचमध्ये ऑनलाइन स्क्रॅच ट्युटोरियलवर किंवा साध्या गुगल सर्चमध्ये यासाठीची उत्तरे सहज उपलब्ध आहेत.

- ताज्या बातम्यांसाठी डाऊनलोड करा ई-सकाळचे ऍप

स्नॅप 
स्नॅप हे स्क्रॅचच्या प्रगत आवृत्तीसारखे आहे, जे  बर्कले यांनी विकसित केले होते.  स्क्रॅच खूप सोपी आहे व त्याची ही पुढची पायरी आहे. स्नॅप अॅप्स जावास्क्रिप्ट, पायथन आणि इतर मजकूरावर आधारित कोडिंग भाषांमध्ये रूपांतरित केले जाऊ शकते. स्नॅपचा एकमेव दोष म्हणजे ती कमी प्रमाणात वापरली जातो, त्यामुळे उपलब्ध स्रोत कमी असू शकतात.

पायथन 
विद्यार्थ्यांच्या टेक्स्ट-आधारित कोडिंग भाषेच्या पहिल्या परिचयासाठी आपण पायथनसह प्रारंभ करू शकता. आज नवशिक्यांसाठी आणि व्यावसायिकांसाठी ही सर्वांत लोकप्रिय कोडिंग भाषा आहे. पायथनला प्रगत संगणक विज्ञान संकल्पना समजून घेण्याची आवश्यकता नाही आणि पायथन कोडचा वाक्यरचना इंग्रजी प्रमाणेच आहे. टर्टल लायब्ररीच्या मदतीने पायथन शिकवता येते, जे मुलांसाठी चित्रमय आणि आकर्षक आहे.

- पुण्याच्या बातम्या वाचण्यासाठी येथे ► क्लिक करा

HTML/CSS 
डिझाइनमध्ये रुची असलेल्यांसाठी एचटीएमएल आणि सीएसएस या प्रोग्रामिंग शिकायला चांगल्या भाषा आहेत. बऱ्याच वेबसाइट्स एचटीएमएल कोड वापरतात. ‘सीएसएस’नंतर रंग, फॉन्ट आणि इतर डिझाइन घटकांसह वेबपेज कसे दिसते, हे सुनिश्‍चित करते. 

जावास्क्रिप्ट 
सामान्यत: एचटीएमएल आणि सीएसएसबरोबर वापरली जाते. वेबसाइट कशी वर्तन करते आणि वापरकर्ते तिच्याशी कसा संवाद साधू शकतात, हे स्पष्ट करते. ‘पायथन’सारखे सोपे नसले, तरी जावास्क्रिप्टचा वाक्यरचना प्रगत कोडिंग भाषांपेक्षा सुलभ आहे.

Edited By - Prashant Patil