पुणे : महाराष्ट्र लोकसेवा आयोगाने (एमपीएससी) घेतलेल्या कर सहाय्यक आणि लिपिक पदाच्या मुख्य परीक्षेचा निकाल चार महिन्यांपासून रखडला आहे. निकालाची अनिश्चितता आणि पुढील परीक्षेच्या तयारीच्या नियोजनाबद्दल विद्यार्थी संभ्रमात असून लांबलेल्या निकालामुळे चिंतेचे वातावरण आहे. आयोगाने प्रलंबित परीक्षेचा निकाल जाहीर करून कौशल्य चाचणीची तारीख जाहीर करावी, अशी मागणी विद्यार्थ्यांनी केली आहे.
‘एमपीएससी’तर्फे एकूण सात हजार ५०२ पदांसाठी कर सहाय्यक आणि लिपिक संवर्गासाठी परीक्षा घेतली होती. १७ डिसेंबरला मुख्य परीक्षा झाली. पूर्व परीक्षा होऊन जवळजवळ एक वर्ष आणि मुख्य परीक्षा होऊन चार महिने होत आले; तरीही परीक्षेचा निकाल जाहीर झाला नाही. लोकसभा निवडणुकांमुळे आयोगाने विविध परीक्षा पुढे ढकलल्या आहेत. या परीक्षा केव्हा होणार याबाबत कोणतेही संकेत नाहीत. आयोगाने वापरलेला यथावकाश शब्द विद्यार्थ्यांना आर्थिक भुर्दंड बसवणार आहे.
परीक्षा दृष्टिक्षेपात
कर सहाय्यकांची पदे : ४६८
लिपिक संवर्गाची पदे : ७,०३४
भरतीची जाहिरात : २० जानेवारी २०२३
पूर्व परीक्षा : ३० एप्रिल २०२३
मुख्य परीक्षा : १७ डिसेंबर २०२३
एमपीएससीकडून घेण्यात आलेल्या सर्वांत मोठ्या पदभरती परीक्षांपैकी ही एक आहे. वेळेवर निकाल जाहीर होत नसल्याने संभ्रमावस्था आहे. निकाल लांबणे, परीक्षा पुढे ढकलणे आदी कारणांमुळे विद्यार्थ्यांची मानसिक, आर्थिक आणि सामाजिक कुचंबणा होते.
— महेश बढे, एमपीएससी स्टुडंट राईट्स
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.