Career Tips : कोरोना महामारीच्या काळात अनेक कंपन्यांनी कर्मचाऱ्यांना वर्क फ्रॉम होम करण्याची सुविधा दिली. त्यामुळे, या वर्क फ्रॉम होम मॉडेलची सगळीकडे चर्चा देखील झाली. त्यानंतर, कोरोनाचे हळूहळू प्रमाण कमी झाले आणि काही कंपन्यांनी कर्मचाऱ्यांसाठी हायब्रीड मॉडेल लागू केले.

मात्र, काहींची आज ही वर्क फ्रॉम होमला पसंती आहे. खास करून महिलांची या वर्क फ्रॉम होम सारख्या जॉब्सला पसंती आहे. जर तुम्हाला ही घरून काम करायचे असेल आणि चांगला पगार ही हवा असेल तर हा लेख तुमच्यासाठी आहे.

आज आम्ही तुम्हाला अशा करिअर ऑप्शनबद्दल सांगणार आहोत, जे वर्क फ्रॉम होमसाठी बेस्ट आहेत, आणि ज्यातून तुमची चांगली कमाई देखील होऊ शकते.

सोशल मीडिया मॅनेजर

सोशल मीडिया मॅनेजर हा कोणतीही कंपनी, ब्रॅंड किंवा कोणत्याही प्रमुख संस्थेमधील सोशल मीडिया प्लॅटफॉर्म हाताळण्याचे काम करतो. जर तुम्हाला सोशल मीडियावर कनेक्ट राहायला आवडत असेल, तर हा करिअर ऑप्शन तुमच्यासाठी बेस्ट आहे.

कंपनीची अधिक प्रगती होण्यासाठी सोशल मीडिया मॅनेजर अनेक नवे फंडे आणि नवीन पद्धतीचा अवलंब करतात. जेणेकरून कंपनीची, संस्थेची किंवा त्या ब्रॅंडची चांगली प्रतिमा कायम ठेवता येईल. या क्षेत्रात वर्क फ्रॉम होमच्या देखील अनेक संधी आहेत.

अनुवादक (ट्रान्सलेटर)

ट्रान्सलेटरच्या क्षेत्रात देखील करिअरच्या अनेक संधी आहेत. मात्र, तुम्हाला एका भाषेसोबत इतर अनेक भाषांचे ज्ञान असणे आवश्यक आहे. तुम्हाला इतर भाषांचे ज्ञान असल्यास, तुम्ही घरबसल्या अनुवादक म्हणून काम करू शकता.

जर तुम्हाला इंग्रजी आणि हिंदी भाषांसोबत एखादी परदेशी भाषा येत असेल तर तुम्ही हिंदी ते इंग्रजी किंवा इंग्रजी ते हिंदी भाषांतराचे काम करून पैसे कमवू शकता. यासोबतच परदेशी भाषेचा मराठीत किंवा हिंदीत अनुवाद करून ही तुम्ही पैसे कमावू शकता.

ऑनलाईन शिक्षक

सध्याचे युग हे डिजिटल आहे. आजकाल प्रत्येक गोष्ट ही ऑनलाईन माध्यमातून मिळत आहे. त्यामुळे, बरेच लोक हे ऑनलाईन शिक्षणाद्वारे पैसे कमावण्याचे मार्ग शोधत आहेत. ऑनलाईन शिक्षक होऊन तुम्ही चांगले पैसे कमवू शकता.

वर्क फ्रॉम होम करण्यासाठी हा जॉब बेस्ट आहे. विज्ञान, गणित या विषयांसोबत तुम्ही JEE Mains, Neet इत्यादींशी संबंधित विषय तुम्ही शिकवू शकता. मात्र, तुमच्याकडे या विषयांशी निगडीत पदवी असणे आवश्यक आहे.