UPSC IES Result 2020: पुणे : केंद्रीय लोकसेवा आयोगाने (यूपीएससी) अभियांत्रिकी सेवा मुख्य परीक्षा २०२०चा निकाल जाहीर केला आहे. या परीक्षेला बसलेले उमेदवार युपीएससीच्या अधिकृत वेबसाईटवर upsc.gov.in त्यांचे निकाल तपासू शकतात. ज्या उमेदवारांनी परीक्षा उत्तीर्ण केली आहे, त्यांना आता मुलाखतीच्या फेरीसाठी हजेरी लावावी लागेल. यासाठी पात्र उमेदवारांना मुलाखतीची नेमकी तारीख आणि मुलाखतीचा तपशील एका पत्राद्वारे कळविण्यात येईल.

- मुलींसाठी DRDO ने केली Scholarship ची घोषणा; कोण आणि कसे करु शकते अर्ज​

१८ ऑक्टोबरला झाली होती परीक्षा 
भारतीय अभियांत्रिकी सेवेची मुख्य परीक्षा १८ ऑक्टोबरला घेण्यात आली होती. त्याचा निकाल नुकताच जाहीर झाला. मुख्य परीक्षा पात्र उमेदवारांनी पुढील सूचना मिळेपर्यंत युपीएससीच्या अधिकृत वेबसाईटला भेट देत राहावी. मुलाखतीबाबत आयोगाने तारीख आणि वेळ जाहीर केल्यानंतर त्यात कोणत्याही प्रकारचा बदल केला जाणार नाही. तसेच त्यात बदल करावा, अशी विनंती कोणत्याही उमेदवाराला करता येणार नाही, असंही आयोगाने स्पष्ट केलं आहे.    

- Govt Jobs: भारतीय हवाईदलात २३५ जागांसाठी भरती; लवकर अर्ज करा​

निकाल असा पाहा
- सर्वप्रथम युपीएससीच्या upsc.gov.in या अधिकृत वेबसाइटला भेट द्या. 
- मुख्य पानावर निकाल पाहण्यासाठी असलेल्या लिंकवर क्लिक करा. 
- क्लिक केल्यानंतर पात्र उमेदवारांची यादी स्क्रिनवर दिसून येईल. 
- या यादीत आपला रोल नंबर तपासा आणि प्रिंटआउट घ्या.

UPSCच्या अधिकृत वेबसाईटला जाण्यासाठी येथे ► क्लिक करा 

- एज्युकेशन जॉब्ससंबंधी बातम्या वाचण्यासाठी ► क्लिक करा 

(Edited by: Ashish N. Kadam)