कसबा पोटनिवडणुकीचा प्रचार शिगेला पोहचला आहे. मविआ आणि महायुतीने कसब्याची जागा प्रतिष्ठेची केली आहे.

मविआकडून अजित पवार, आदित्य ठाकरे,नाना पटोले यांनी प्रचात सहभाग नोंदवला तर भाजपकडून चंद्रकांत पाटील, चंद्रशेखर बावनकुळे, मुरलीधर मोहोळ आदी दिग्गजांनी प्रचार हाती घेतली आहे.

मात्र भाजपचा मित्र पक्ष असलेल्या रयत क्रांती संघटनेला डावलले जात असल्याची नाराजगी अध्यक्ष सदाभाऊ खोत यांनी बोलून दाखवली.

प्रचारात कुठे ही रयत क्रांती संघटनेचा उल्लेख नसल्याने सदाभाऊ खोत नाराज आहेत.

आज ते पुण्यात बोलत होते ते म्हणाले, आम्ही भाजपसोबतच आहोत पण त्यांनी आम्हाला कशी वागणूक द्यायाची हा त्यांचा प्रश्न आहे.

आम्ही कोणाच्याही घरात बसायला जात नाही. घरात आल्यावर पाणी विचारायचं का नाही तो त्यांचा प्रश्न आहे. अशी प्रतिक्रिया सदाभाऊ खोत यांनी दिली.

या पोटनिवडणुक प्रचारासाठी केंद्रीय गृहमंत्री अमित शहा प्रचारासाठी पुण्यात येणार आहेत.