Ravindra Dhangekar News: कसबा पेठ विधानसभा पोटनिवडणुकीत महाविकास आघाडीचे उमेदवार रवींद्र धंगेकर निर्णायक आघाडीकडे झेपावत आहेत. सातव्या फेरीमध्ये हेमंत रासनेंनी धंगेकरांच्या लीडला ब्रेक लावला, पण त्यापुढच्या फेऱ्यांमध्ये पुन्हा धंगेकर पुढे निघून गेले आहेत.

दरम्यान काहीच वेळात हा निकाल जाहीर होईल मात्र रविंद्र धंगेकर यांचा पराभव करण्यासाठी केंद्रातून सुत्र हलवण्यात आली होती.

कसब्यात भाजपचा विजय करण्यासाठी देशाचे गृहमंत्री अमित शहा महाराष्ट्राचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, राज्यातील २०-२५ मंत्री महाराष्ट्रातील 65 आमदार आणि सर्वात महत्त्वाचं म्हणजे पुणे महापालिकेतील ९० पेक्षा जास्त नगरसेवक या प्रचारत सामील झाले होते.

तरी देखील रविंद्र धंगेकर यांचा पराभव भाजप करू शकलं नाही. २५ वर्षाच्या भाजपच्या या गडाला काँग्रेसने सुरूंग लावला आहे.

भाजपसह शिंदेंची शिवसेना मोठ्या ताकतीने या निवडणुकीत उतरली होती तरी देखील मविआने चारीमुंड्या चित करत विजय खेचून आणला आहे. त्यामुळे कसब्यात मविआच्या कार्यकर्त्यांमध्ये आनंदाचे वातावरण पाहिला मिळत आहे.

११०४० मतांनी महाविकास आघाडीचे उमेदवार रवींद्र धंगेकर विजयी झाले आहेत. भाजप उमेदवार हेमंत रासने यांनी ६१७७१ मत पडली तर विजयी रविंद्र धंगेकर यांना ६२५९९ इतकी मत पडली आहेत.