Pune Bypoll Result 2023: कसबा पेठ विधानसभा पोटनिवडणुकीत महाविकास आघाडीचे उमेदवार रवींद्र धंगेकर निर्णायक आघाडीकडे झेपावत आहेत. भलेही सातव्या फेरीमध्ये हेमंत रासनेंनी धंगेकरांच्या लीडला ब्रेक लावला, पण त्यापुढच्या फेऱ्यांमध्ये पुन्हा धंगेकर पुढे निघून गेले आहेत.
महत्त्वाची बाब म्हणजे पुण्यातल्या पेठा भाजपच्या बाजूने असतात, असं सांगितलं जातं. परंतु हा एक समज असल्याचं पुढे येत आहे. कारण पुण्यातल्या पेठांनी भाजपला नाकारुन महाविकास आघाडीच्या उमेदवाराला मतं दिल्याचं स्पष्ट होत आहे.
पुण्यातील मध्यवर्ती भागात असणाऱ्या पेठेतील अनेक परिसरातून धंगेकर आघाडीवर आहेत. यामध्ये कसबा पेठ, शनिवार पेठ, सदाशिव पेठ, नवी पेठ काही भाग, अल्पना टॉकीज, बुधवार पेठ, रविवार पेठ, गणेश पेठ, डोके तालीम, बोहरी आळी, रामेश्वर चौक, शुक्रवार पेठ, टिळक रस्ता या ठिकाणाहून धंगेकर यांना आघाडी मिळाली आहे.
अकराव्या फेरीअखेर रवींद्र धंगेकर हे ३ हजार १२२ मतांनी आघाडीवर आहेत. धंगेकर हे सहाव्या फेरीअखेर ३ हजार मतांनी आघाडीवर होते.
मात्र सातव्या फेरीमध्ये रासनेंना ४ हजार २७० मतं मिळाली तर धंगेकरांना २ हजार ८२४ मतं मिळाली १ हजार २७४ मतांनी रवींद्र धंगेकर आघाडीवर होते.
त्यांच्या आघाडीला ब्रेक लावण्याचं काम हेमंत रासने यांनी केलं होतं. परंतु पुन्हा धंगेकर पुढे निघाले आहेत. पुण्यातल्या जो भाग भाजपचा बालेकिल्ला समजला जातो, तो म्हणजे पेठा. तरीही रासनेंना नाकारलं जातंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.