नागपूर: लोकसभानंतर आता विधानसभा निवडणुकीचे वारे सुरू झालेत. सर्वेक्षणाच्या माध्यमातून मतदार संघाचा आढावा घेण्यात येत असून कॉंग्रेसकडून नुकतेच जिल्ह्यातील सहाही मतदार संघाची माहिती जाणून घेतली. तिकीट वापटच्या वेळी या सर्वेक्षणाचा आधार घेण्यात येणार असल्याचे सांगण्यात येत आहे.
दिल्लीतील एका नामांकित सरकारी विद्यापीठातील विद्यार्थ्यांच्या मतदीने हे सर्वेक्षण करण्यात आल्याची माहिती आहे.
लोकसभा निवडणुकीपूर्वी भाजपने केलेल्या सर्वेक्षणावरून चांगलाच वादंग उठला होता. मित्रपक्षांसोबत पक्षातीलच नेत्यांचे तिकिट कापण्यासाठी या सर्वेक्षणाचा वापर करण्यात आल्याची टीका भाजपवर झाली होती. रामटेक लोकसभासह विदर्भातील काही मतदार संघातील विद्यमान खासदारांची तिकीट कापून त्याऐवजी दुसऱ्यास तिकीट देण्यात आली.
विशेष म्हणजे भाजपने या सर्वेक्षणाचा आधार मित्र पक्षांचे उमेदवार निश्चित करण्यासाठीही घेतला होता. याचा फायदा होण्याऐवजी भाजपला नुकसान झाले. विधानसभा निवडणुकीपूर्वीही भाजपकडून सर्वेक्षण करण्यात आल्याची चर्चा होता आहे.
दुसरीकडे कॉंग्रेसही सर्वेक्षणाचा आधार घेण्याचे ठरविले आहे. त्यासाठी त्यांच्याकडूनही सर्वेक्षण करण्यात येत आले. दिल्लीतील एका मोठ्या नामांकित विद्यापीठातील विद्यार्थ्यांच्या मदतीने हे सर्वेक्षण करण्यात आले. जिल्ह्यातील ग्रामीण भागामधील सहाही मतदार संघात या विद्यार्थ्यांच्या माध्यमातून राजकीय परिस्थितीची चाचपणी करण्यात आली.
मतदार संघात कोणत्या नेत्याची चर्चा आहे, कुणासाठी वातावरण पोषक आहे, कोणते मुद्दे प्रभावी ठरतील, याची माहिती या सर्वेक्षणाच्या माध्यमातून घेण्यात आली. निवडणुकीत तिकीट निश्चित करताना याचा आधार घेण्यात येणार असल्याचे सांगण्यात येते. परंतु प्रत्यक्षात याचा खरंच किती वापर होतो, हे तिकीट वाटपानंतरच स्पष्ट होईल.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.