शिर्डी : भाजपला मध्यप्रदेशात लाडकी बहीण योजनेचा फायदा झाला. तेथे पुन्हा भाजपचे राज्य आले, लोकसभेला सर्व जागांवर विजय मिळाला. त्याची पुनरावृत्ती महाराष्ट्रात होईल, महायुती १७० पेक्षा अधिक जागा जिंकेल, असा विश्‍वास केंद्रीय सामाजिक न्यायमंत्री रामदास आठवले (Ramdas Athawale) यांनी पत्रकारांशी बोलताना व्यक्त केला.

त्यांनी मंगळवारी (ता.१५) येथे येऊन साईदर्शन (Saibaba Shirdi) घेतले. साईसंस्थानचे मुख्य कार्यकारी अधिकारी गोरक्ष गाडीलकर आणि साईमंदिर विभागप्रमुख विष्णूपंत थोरात यांनी त्यांचे स्वागत केले. आठवले म्हणाले, की ज्येष्ठ नेते बाबा सिद्दीकी यांची हत्या ही दुर्दैवी घटना आहे. आपली गुप्तचर यंत्रणा अधिक सक्षम करण्याची गरज आहे. #ElectionWithSakal

ते माझे चांगले मित्र आणि मी त्यांचा मतदारसंघातील रहिवासी आहे. काँग्रेसचे नेते खासदार राहुल गांधी महिलांच्या खात्यात खटाखट पैसे टाकणार होते. त्यांना मतदारांनी संधी दिली नाही. आता या निवडणुकीत आमचे उमेदवार पटापट निवडून येतील.