Manipur Assembly elections Result 2022 : लोकसभेची (Lok Sabha Election) सेमीफायनल समजल्या जाणाऱ्या मणिपूरच्या या निवडणुकीत 60 जागांसाठी मतदान झालं असून एकूण दोन टप्प्यांत मतदान पार पडलंय. पहिला टप्पा 28 फेब्रुवारी, दुसरा टप्पा 5 मार्च रोजी पार पडला. आज मतमोजणी सुरुय.

मणिपूरसह पाच राज्यांच्या निवडणुकांचे निकाल गुरूवारी सकाळपासून हाती येऊ लागले. यात भाजपा बहुमताच्या आकड्याजवळ आहे, तर भाजपाला टक्कर देण्याची भाषा करणाऱ्या काँग्रेस खूप कमी जागांवर आघाडीवर आहे. त्यामुळं भाजपाचं 'पुरेपूर मणिपूर' हे स्वप्न पुन्हा सत्यात उतरताना दिसतंय. तर, केंद्रीय सामाजिक न्याय राज्यमंत्री रामदास आठवले (Ramdas Athawale) यांच्या पक्षाला महाराष्ट्रात विधानसभा (Maharashtra Assembly) निवडणुकीत फारसं यश मिळताना दिसत नाही. मात्र, मणिपूरमध्ये (Manipur) रिपाइंचा एक उमेदवार आघाडीवर आहे. ही आघाडी कायम ठेवून रिपाइंच्या उमेदवारानं बाजी मारली तर रिपाइंचा पाच दशकानंतरचा महाराष्ट्राबाहेरच्या राज्यातील हा पहिलाच विजय असेल.

किशमथोंग विधानसभा मतदारसंघातून रिपाइंचे उमेदवार महेश्वर थौनॉजम निवडणूक लढवत आहेत. त्यांनी या मतदारसंघात 403 मतांनी आघाडी घेतलीय. तर, अपक्ष उमेदवार सपम निशिकांत सिंग यांना त्यांनी पिछाडीवर टाकलंय. त्यामुळं या मतदार संघात रिपाइंचे महेश्वर विजयी होतात का? याकडं सर्वांचं लक्ष लागलंय.