Uttarakhand Election Result 2022 l उत्तराखंडमध्ये विधानसभा निवडणुकीत भाजपने विजय मिळवला. तर खटीमा विधानसभा निवडणूकीत मुख्यमंत्री पुष्कर सिंह धामी (Pushkar Singh Dhami) यांचा पराभव झाला. काॅंग्रेसचे (Congress) भुवनचंद्र कापड़ी (Bhuvan Chandra Kapdi ) यांनी ६५७९ मतांनी त्यांचा पराभव केला. काॅंग्रेसच्या विजयाने आता भाजपाचा (BJP) मुख्यमंत्री पदासाठी नवा चेहरा कोण असणार असा प्रश्न निर्माण झाला आहे. मुख्यमंत्री होण्याच्या शर्यतीत धन सिंह रावत, सतपाल महाराज आणि त्रिवेंद्र सिंह रावत यांची प्रामुख्याने नावे समोर आली आहेत. मसुरीचे आमदार गणेश जोशी यांचे ही नाव पुढे आले आहे.

उत्तराखंडमध्ये एकूण ७० जागांपैकी भाजपाने ४७ जागांवर बाजी मारली आहे. राज्यात जर एकच पक्ष स्थापन करायचा असेल तर त्यासाठी ३६ जागा आवश्यक असतात. उत्तराखंडमध्ये काँग्रेसने १३ जागा जिंकल्या आहेत आणि ६ जागा आघाडीवर आहेत. कॉंंग्रेसचा वरिष्ठ नेता आणि मुख्यमंत्री पदासाठी प्रयत्न करणारे हरीश रावत यांना लालकुआं (Lalkuan) मतदारसंघातून भाजपचे उमेदवार मोहन सिंग बिश्त यांनी पराभूत केले.

मायावतींच्या बहुजन समाज पक्षाने एक जागा जिंकली आहे. तर, स्वतंत्र दोन जागांसाठी आघाडीवर आहेत. २००० सालापासून उत्तराखंडच्या इतिहासात कोणत्याही पक्षाने सलग दोनदा सरकार स्थापन केले नाही. मात्र भाजप आणि काॅंग्रेस सत्तेवर आली आहे. मात्र आजच्या निकालानंतर आता भाजपच इतिहास रचेल यात शंका नाही.