मला चार वर्षांची मुलगी व दीड वर्षांचा मुलगा आहे. मुलांना सुवर्णप्राशन देण्याचे इतके फायदे असतात हे मला आत्तापर्यंत माहिती नव्हते. आता मला त्यांना सुवर्णप्राशन संस्कार करण्याची इच्छा आहे. तसे केले तर चालेल का आणि ते कशा प्रकारे करावे?

- सौ. संगीता, बंगळूर

उत्तर - सुवर्णप्राशन संस्कार हा खरे तर आयुष्यभर महत्त्वाचा असतो, परंतु लहान मुलांमध्ये सुवर्णप्राशन संस्कार केल्याने त्यांची एकूणच बौद्धिक क्षमता, रोगप्रतिकारक्षमता, शारीरिक वाढ वगैरे सगळ्यांत चांगला फरक दिसतो असे काश्यपसंहितेत सांगितलेले आहे व तसा अनेकांचा अनुभवही आहे. याचबरोबरीने मुलांना अमृतशर्करायुक्त पंचामृत देणेही सुरू करता येईल. याबद्दलची संपूर्ण माहिती डॉ. मालविका तांबे यूट्यूब चॅनेलवर पंचामृताच्या व्हिडिओमध्ये दिलेली आहे, ती नक्की बघावी.

माझे मूल तीन महिन्यांचे आहे, त्याला दिवसातून ४-५ वेळा शी होते, तसेच दूध पाजल्यानंतर थोडे दूध वरचेवर काढतो. डॉक्टरांनी सांगितल्याप्रमाणे व्यवस्थित ढेकर येतो, तरी अशा प्रकारचा त्रास होताना दिसतो. याचा परिणाम बाळाचे वजन न वाढण्यावर किंवा इतर विकासावर होऊ शकेल का? बाळ खेळकर आहे, व्यवस्थित झोपते. इतर कोणताही त्रास नाही. त्याला संतुलन बालामृत व बाळगुटी सुरू आहे. त्याचबरोबर बेबी मसाज तेलाने अभ्यंग सुद्धा करते.

- सौ. ज्योती मेहता, दादर

उत्तर - लहान मुलांना दिवसातून ४-५ वेळा शी होणे नॉर्मल असते. तसेच दूध पाजल्यानंतर थोडे दूध, थोडे चिकट बाहेर काढणे चिंताजनक नाही. आपण बाळाला रोज मालिश करत असतात, संतुलन बाळगुटी, संतुलन बालामृत देत असलात तर बाळाला पचनाचे त्रास होण्याची शक्यता फारशी नाही. तरीही दुसरे काही चुकीचे आढळल्यास तज्ज्ञांचा सल्ला घ्यावा. तुमच्या प्रश्नावरून चिंता करण्याचे काही कारण दिसत नाही.