साहित्य

फ्लॉवरचे पातळ तुकडे १ वाटी, कोबीची सुटी केलेली पाने १ वाटी, गाजराचे पातळ काप १ वाटी, फरसबी लांब कापलेली १० ते १२, कोथिंबीर अर्धी वाटी, उकडलेला बटाटा १ वाटी, कॉर्नफ्लोअर १ वाटी, मैदा १ चमचा, व्हिनेगर २ चमचे, लाल रंग चिमूटभर, तळायला तेल, आलं-लसूण पेस्ट तसेच मीठ-साखर चवीनुसार.

कृती

एका भांड्यात सर्व भाज्या उकडून घ्याव्यात. त्‍यातील पाणी काढल्यानंतर उकडलेला बटाटा घालावा. त्यामध्ये मीठ, साखर, आलं-लसूण पेस्ट घालून मिश्रण एकजीव करावे. हलक्या हाताने गोळे करावेत. तत्पूर्वी कॉर्नफ्लोअर, मैदा, मीठ, रंग एकत्रितरीत्या भजीच्या पिठासारखे भिजवावे. यामध्ये तयार केलेले गोळे बुडवून घेत मंद आचेवर तळावेत. गार्लिक सॉसबरोबर खायला द्यावे.