Cheela Recipe: तुम्हाला सकाळी नाश्त्यात काही चवदार आणि पौष्टिक पदार्थ बनवायचे असेल तर बाजरीचा चिला बनूव शकता. हा चिला आरोग्यासाठी फायदेशीर असतो. बाजरीमध्ये अनेक पोषक घटक असतात. जे शरीराची रोगप्रतिकारशक्ती वाढवते. हा चिला बनवणे खुप सोपा असून चवदार देखील आहे. चला तर मग जाणून घेऊया बाजरीचा चिला बनवण्यासाठी कोणते साहित्य लागते आणि बनवण्याची कृती काय आहे.

बाजरी चिला बनवण्यासाठी लागणारे साहित्य

एक कप बाजरीचे पीठ

पाव कप किसलेले गाजर

पाव कप बारीक चिरलेली भोपळी मिरची (विविध रंग)

पाव कप बारीक चिरलेला कांदा

पाव कप बारीक चिरलेला पालक

अर्धा टीस्पून जिरे

अर्धा टीस्पून मिरची पावडर

अर्धा टीस्पून हळद पावडर

अर्धा कप रवा

चवीनुसार मीठ

पाणी

ग्रीसिंगसाठी तेल

बाजरी चिला बनवण्याची कृती

एका भांड्यात बाजरीचे पीठ आणि रवा पाण्यात मिसळून धिरड्यासारखे पीठ भिजवावे. पिठात गुठळ्या राहणार नाहीत, याची काळजी घ्यावी. मग पिठात किसलेले गाजर, चिरलेली भोपळी मिरची, कांदे आणि पालक घालावा. चांगले मिसळावे. जिरे, हळद, मिरची पावडर आणि मीठ घालून मिक्स करावे. आपल्या चवीनुसार मसाला घालावा. नॉन-स्टिक पॅन किंवा कढई गरम करावी आणि थोड्या तेलाने ग्रीस करावे. पीठ तव्यावर घालून गोलाकार पसरावे. चीला पातळ घालावा. कडा वर येईपर्यंत आणि तळ सोनेरी तपकिरी होईपर्यंत मध्यम आचेवर शिजवावे. नंतर पलटून दुसरी बाजू शिजवावी. अशा प्रकारे सर्व चीला करून घ्यावेत. बाजरी चीला चटणी किंवा दह्यासोबत गरमागरम सर्व्ह करावेत.