पुणे : नाश्त्याला काय बनवायचे यासाठी रोज संशोधन सुरू असते. नेटवर एखादा नवा पदार्थ पाहिला की कधी तो बनवतो आणि खातोय असेच वाटते. जर तुम्हाला क्रिस्पी व्हेज कटलेटचा आस्वाद न्याहारीमध्ये किंवा संध्याकाळी चहाच्या वेळी घ्यायचा असेल, तर आम्ही तुम्हाला त्याची सोपी रेसिपी सांगणार आहोत. व्हेज कटलेट घरी सहज तयार करता येते. तात्पूरती भूक भागवण्यासाठी हा उत्तम पर्याय आहे. तूम्हीही काहीतरी पौष्टीक आणि पटकन होईल असा पदार्थ शोधत असाल तर ही रेसिपी नक्की ट्राय करा.

साहित्य

उकडलेले बटाटे, उकडलेली फरसबी आणि गाजर, तिखट, पातळ पोहे, गरम मसाला, रवा,मीठ,तेल

कृती

बटाटे उकडून ते मॅश करून घ्या. त्यात उकडलेले गाजर आणि फरसबी घाला. त्यावर पातळ पोहे, तिखट, गरम मसाला, मीठ घालून सर्व मिक्स करा. हातावर थापून गोळे बनवा आणि शॅलो फ्राय करा. गरमागरम कटलेट सॉससोबत खायला द्या.