Carrot Paratha Recipe :

गाजर पराठा हा सर्वात स्वादिष्ट आणि पौष्टिक नाश्ता आहे. गाजर पराठा सर्वांनाच आवडतो. हे पराठे दही किंवा बटर किंवा लोणच्यासोबत गरमागरम सर्व्ह केले जातात. गाजराच्या गोडव्यामुळे लहान मुलांना ते खूप आवडते.

गाजरात अनेक पोषक घटक असतात आणि त्याचे सेवन आरोग्यासाठी फायदेशीर मानले जाते. त्यामुळे सतत बटाटा आणि मेथीचे पराठे खाऊन कंटाळला असाल तर गाजराचा पराठा नक्की ट्राय करा. त्यामुळे शरीराला अनेक फायदेही मिळतात.

गाजर पराठ्याची रेसिपी जाणून घ्या.
साहीत्य-

• 4 कप गव्हाचे पीठ

• 2 कप चिरलेला गाजर

• 1/2 कप चिरलेला कांदा

• 1 टीस्पून चिरलेले आले

• 1 टीस्पून चिरलेली हिरवी मिरची

• 1/2 कप चिरलेली कोथिंबीर

• 8 टेबलस्पून तूप

• मीठ आवश्यकतेनुसार

 कृती

गाजर पराठा बनवण्यासाठी प्रथम गाजर धुवून किसून घ्या. यानंतर कांदा, आले, हिरवी मिरची आणि कोथिंबीर चिरून बाजूला ठेवा. आता एक मोठे भांडी घ्या आणि त्यात गव्हाचे पीठ, किसलेले गाजर, चिरलेला कांदा, चिरलेले आले, चिरलेली हिरवी मिरची, चिरलेली कोथिंबीर, मीठ आणि पाणी घाला.

नीट मिक्स करून पीठ मळून घ्या. लक्षात ठेवा की पीठ जास्त चिकट होऊ नये. तुम्हाला हवे असल्यास, तुम्ही गाजरातील पाणी पिळून काढू शकता जेणेकरून तुम्हाला पीठ व्यवस्थित मळून घेता येईल.

आता तुमचे गाजर पराठा बनवण्याचे साहित्य तयार आहे. नंतर पिठाचे छोटे गोळे तोडून त्यापासून गोल गोळे बनवा. यानंतर गोळ्याचे पराठे लाटून घ्या. तूप व्यवस्थित गरम झाल्यावर त्यावर पराठा टाकून खरपूस भाजून घ्या.

आता तुमचे गरमागरम गाजर पराठे तयार आहेत आणि ते दही किंवा लोणच्यासोबत सर्व्ह केले जाऊ शकतात. तुम्हाला हवे असल्यास, तुम्ही चहासोबत गाजर पराठ्याचाही आस्वाद घेऊ शकता.