Cheese Pizza Dosa : शनिवार आला आहे, काहीतरी स्पेशल खावस वाटत असेलच, पण नक्की काय करावं असा प्रश्न असेल की, मग बनवा हॉटेल स्टाईल चीज डोसा तोही घरच्याघरी.. सध्या अनेक रेस्ट्राॅरंटमध्ये असा पिझ्झा डोसा मिळतो, लोकांना तो आवडतोही, मुळात ह्याला ओव्हन मध्ये बनवाव लागत नाही आणि बेस तांदळाचा असल्यामुळे पोटाचा त्रास होण्याचं काही कारणही नाही. पण घरी कसा करावा असा प्रश्न असेलच ना? ही रेसिपी फॉलो करा.

साहित्य-

डोशाचं पीठ, शिमला मिरची, टोमॅटो, कांदा, स्वीट कॉर्न, पिझ्झा सॉस, चिली फ्लेक्स, ओरेगानो, आवडीप्रमाणे चीज.

कृती

- पॅनवर उत्तप्प्यासारखा जाड डोसा बनवायला घाला. त्यावर वरील सगळ्या भाज्या पसरवा.

- एक मिनिटानंतर डोसा पलटी करा. मग पुन्हा भाजीची बाजू वर घेऊन त्यावर सर्व बाजूंनी पिझ्झा सॉस लावा.

- नंतर वरुन चिली फ्लेक्स आणि ओरेगानो भुरभुरा.

- आवडीप्रमाणे चीज किसून घाला. चीज वितळलं की पिझ्झा ताटामध्ये काढून सर्व्ह करा.