Cheese Khichdi Recipe: अनेकवेळा आपल्या मुलांना काहीतरी गरमागरम, चटपटीत खाण्याची इच्छा होते. अशावेळी झटपट तयार होणारा कोणता पदार्थ बनवावा अशा प्रश्न अनेक आईंना सतावतो.

यावेळी अनेक आई मुलांना स्ट्रीट फूड आणून देण्याचा प्रयत्न करतात. मात्र त्याऐवजी तुम्ही एखादी देशी पद्धतीची डिश ट्राय करु शकता. अशावेळी बनवण्यासाठी एक खास डिश आम्ही घेऊन आलो आहोत.

चीझी हिरवी खिचडी ही झटपट तयार होणारी आणि मुलांना आवडेल अशी डिश आहे. तुम्ही घरीच अगदी काही वेळात ही चीझी हिरवी खिचडी तयार करु शकता.

हिरव्या कांद्यासोबत पालक, भात, पनीर, मटार आणि हिरवी मूग डाळ घालून शिजवलेली हरी भरी खिचडी कशी बनवावी हे आज आम्ही तुम्हाला सांगत आहोत.

मुलांना काही पौष्टिक पदार्थ खायची सवय करायची असेल तर ही रेसिपी तयार करु शकता. चला तर मग ही रेसिपी कशी बनवावी जाणून घेऊया...

साहित्य :

• 1/2 कप तांदूळ

• 1/2 कप हिरवी मूग डाळ

• 1/2 कप पालक

• 1 चमचा तूप

• 1 टेबलस्पून लसूण

• आवश्यकतेनुसार मीठ

• 1/4 कप वाटाणे

• 1/4 कप प्रक्रिया केलेले चीज

• 2 देठ हिरव्या कांदे

• 1 टीस्पून जिरे

• 3 कांदे पांढरे

कृती :

• मसालेदार चवीची ही चटकदार खिचडी बनवण्यासाठी प्रेशर कुकर मध्यम आचेवर ठेवून त गरम करा.

• त्यात तूप टाका आणि ते गरम होऊद्या. तूप वितळल्यावर जिरे टाकूनन तडतडून भाजू द्या.

• यानंतर कुकरमध्ये चिरलेला लसूण घाला आणि 30 सेकंद तळून घ्या. हिरव्या कांद्याचे बल्ब घाला आणि थोडे मीठ टाकून ते एक मिनिटासाठी तळून घ्या.

• नंतर प्रेशर कुकरमध्ये हिरवे वाटाणे आणि हिरवे चणे घालून चांगले मिक्स करावे.

• नंतर कुकरमध्ये भातासोबत मीठ आणि ३ कप पाणी घालून झाकण ठेवा.

• मध्यम आचेवर ४ शिट्ट्या देवून ते शिजवून घ्या.

• यानंतर त्यात पालक प्युरी आणि स्प्रिंग कांद्याची पाने टाकून ते मिक्स करा आणि एक मिनिट शिजवा.

• त्यात १/२ कप पाणी घालून मिक्स करून २ मिनिटे शिजवा.

• कुकरमध्ये पनीर घालून चांगले मिसळा आणि आणखी एक मिनिट शिजवा.

• चीझी खिचडी तयार आहे.