Cooking Tips : गृहिणी घरातील स्वयंपाक बनवण्यासाठी बऱ्याचदा खास शेफच्या कुकींग टिप्स फॉलो करतात. भाजीची ग्रेव्ही टेस्टी असेल तर घरात अगदी आवडीने खाल्ली जाते. मात्र तुमच्या कुकींगमधील काही चुका कधीकधी तुमच्या भाजीची टेस्ट बिघडवता. जसे की, ग्रेव्हीमध्ये दही घातल्यानंतर त्याची चव खराब होते अशी बऱ्याच गृहिणींची तक्रार असते. असे होऊ नये यासाठी शेफ पंकज भदोरिया काही खास टिप्स सांगतात. जाणून घेऊया त्याबाबत सविस्तर.

मास्टर शेफ पंकज भदोरियाने अलीकडेच त्यांच्या इंस्टाग्राम व्हिडिओच्या माध्यमातून काही टिप्स सांगितल्या आहेत. ग्रेव्हीमध्ये दही घातल्यावर ग्रेव्ही खराब होऊ नये यासाठी तीन सोप्या टिप्स दिल्या आहेत.

ग्रेव्हीमध्ये दही कसे घालायचे ते एक्सपर्टकडून जाणून घेऊया

१) कुठल्याही ग्रेव्हीमध्ये दही घालण्याआधी ते चांगल्याप्रकारे फेटून घ्या. यासाठी तुम्ही ग्राइंडरचा वापरही करू शकता.

दही तेव्हापर्यंतच ढवळा जेव्हापर्यंत ते हलकं पातळ होत नाही. अति पातळ करू नका.

२) जेव्हा तुम्ही दही ग्रेव्हीमध्ये टाकाल तेव्हा त्याला मंद आचेवर ठेवा. यामुळे दहीला ग्रेव्हीमध्ये सेट होण्यासाठी पूरेपूर तापमान मिळेल. आणि तुमची ग्रेव्हीसुद्धा खराब होणार नाही. (Recipes)

३) एकदा दही ग्रेव्हीमध्ये टाकल्यानंतर तेव्हापर्यंत चमच्याने परता जेव्हापर्यंत दही पूर्णपणे उकळत नाही. यामुळे दही गुठळ्यांच्या रूपात दिसणार ग्रेव्हीमध्ये दिसणार नाही. (Food)

ही पद्धत ठरेल फायदेशीर

ग्रेव्हीमध्ये दही घालताना त्यात थोडं कॉर्नस्टार्च मिसळल्यास ग्रेव्ही खराब होत नाही. याचा वापर तुम्ही ग्रेव्ही घट्ट करण्यसाठीही करू शकता.