Diwali 2023 Recipe :

दिवाळीचा सण अवघ्या काही दिवसांवर येऊन ठेपला आहे. सर्वत्र आता दिवाळीच्या शॉपिंगची लगबग पहायला मिळत आहे. दिवाळी म्हटलं की सर्वात आधी आठवतो तो जिभेवर रेंगाळणारा स्वादिष्ट फराळ. हा फराळ करण्यासाठी महिला नेहमी हटके रेसिपीज शोधत असतात.

जर तुम्हाला ही यंदाच्या दिवाळीमध्ये हटके पदार्थ बनवायचा असेल तर तुम्ही नेहमीचा फराळ तर बनवाच मात्र, त्यासोबत बटाटा मसाला मठरीचा पदार्थ देखील बनवा. हा पदार्थ बनवण्याची रेसिपी एकदम सोपी आहे.

शिवाय, हा पदार्थ बनवायला जास्त साहित्याची गरज भासत नाही. झटपट बनणारी बटाटा मसाला मठरीची रेसिपी जाणून घेण्यासाठी हे आर्टिकल शेवटपर्यंत वाचा.

बटाटा मसाला मठरी बनवण्यासाठी लागणारे साहित्य खालीलप्रमाणे :

• बटाटा १ किंवा २

• 500 ग्रॅम मैदा

• रवा १५० ग्रॅम

• लाल तिखट १ चमचा

• बेकिंग सोडा अर्धा चमचा

• तेल

• चाट मसाला

• ओवा

• चिमूटभर हळद

• चवीप्रमाणे मीठ

बटाटा मसाला मठरी बनवण्याची पद्धत खालीलप्रमाणे:

• सर्वात आधी बटाटे उकडून घ्या. ते एका भांड्यात सोलून थंड व्हायला ठेवा.

• त्यानंतर, मसाला मठरी बनवण्यासाठी एका भांड्यात रवा, मैदा आणि बेकिंग सोडा हे सर्व घटक चांगले मिक्स करून घ्या.

• नंतर, यामध्ये उकडलेले बटाटे मिक्स करा. बटाटा घालून मिश्रण चांगले एकजीव करा.

• आता, त्यामध्ये मीठ, लाल तिखट, चाट मसाला, ओवा आणि चवीप्रमाणे मीठ घालून पीठ चांगले मळून घ्या.

• हे पीठ चांगल्या प्रकारे मळून घेतल्यानंतर ते १५ ते २० मिनिटे तसेच ठेवा.

• जेणेकरून ते चांगल्या प्रकारे मुरून सेट होईल.

• पीठ सेट झाल्यानंतर, आता या पीठाचे छोटे गोळे करून तुम्हाला मठरीला जसा आकार द्यायचा आहे तसा आकार द्या.

• आता एका बाजूला कढईमध्ये तेल घालून ती कढई गरम करायला ठेवा.

• तेल चांगले तापल्यानंतर त्यात मठरी घालून सोनेरी होईपर्यंत तळून घ्या.

• मठरी चांगली तळून झाल्यावर एका भांड्यात काढून घ्या आता तुमची बटाटा मसाला मठरी तयार आहे.

• ही मठरी तुम्ही तशीच खाऊ शकता किंवा चहासोबत सर्व्ह करू शकता.