दिवाळीच्या फराळामध्ये चकली ,करंजी, बेसन लाडू , चिवडा हे जरी मानाचे सरदार असले तरी चिवड्याची लज्जत आणखी वाढवणारी शेव ही आपले चिवड्या बरोबरचे अस्तित्व मानाने टिकवून आहे.

कुरकुरीत खमंग शेव कोणालाही सहज जमण्या सारखी आहे. शेवासाठी कमी साहित्य लागत आणि शेव खूप पटकन तयार देखील होतात. आपण दिवाळी स्पेशल खास पारंपरिक पदार्थाच्या काही वेगवेगळ्या रेसिपी पाहणार आहोत त्यातील नववी रेसिपी आहे, दिवाळी स्पेशल घरच्या घरी मसाला शेव कसे तयार करायचे?

साहित्य:

1) दोन वाट्या बेसन

2) ओवा,जिरं,लसुण वाटून तो अर्धी वाटी पाण्यात मिक्स करून ते पाणी गाळून घेणे 

3) चवीनुसार मीठ

4) हळद 

5) तिखट

6) तेल

कृती:

एका ब्लाउल मध्ये बेसन, मीठ, तिखट, हळद हे सगळं एकत्र करून घ्यावे. त्यात चार चमचे कडकडीत तेलाचे मोहन घालावे. ते मोहन सगळ्या पीठाला चांगले चोळून घ्यावे. ओवा गाळून घेतलेलं पाणी त्यात घालावे. नंतर गरजे प्रमाणे पाणी घालून पीठ भिजवावे. पीठ घट्ट नको थोडं सैलसर च असावे . हे पीठ दहा मिनिटं ठेवून द्यावे. चकलीच्या सोऱ्यात शेवेची बारीक जाळी घालून पीठ त्यात भरावे आणि गरम तेलात शेव पाडून शेव तळून घ्यावी.

अशा रितीने कुरकुरीत खमंग मसाला शेव तयार झालेले आहेत.