उन्हाळा सुरू झाला की बहुतेकांना आईस्क्रीम खावंसं वाटतं. बाजारात विविध प्रकारचे आइस्क्रीम विकले जात आहेत आणि त्यांची किंमत ५०० रुपयांपर्यंत आहे, परंतु आज आम्ही तुम्हाला जगातील सर्वात महागड्या आईस्क्रीमबद्दल सांगणार आहोत. या आइस्क्रीमची किंमत जाणून तुम्हालाही आश्चर्य वाटेल.

जपानच्या सिलाटोने बायकुया नावाचे आइस्क्रीम तयार केलं आहे. हे जगातील सर्वात महाग आईस्क्रीम आहे कारण हे एक नवीन प्रोटीन युक्त आईस्क्रीम आहे. सेंट्रल न्यूजच्या रिपोर्टनुसार, या आइस्क्रीमचं वर्णन जगातील सर्वात महाग आईस्क्रीम म्हणून करण्यात आलं आहे. आईस्क्रीम फक्त दुधापासून बनवले जाते. त्याच्या घटकांमध्ये दोन प्रकारचे चीज आणि अंड्यातील पिवळ बलक देखील समाविष्ट आहे.

याशिवाय परमिगियानो चीज, व्हाईट ट्रफल ऑइल अशा अनेक गोष्टींचा वापर हे आइस्क्रीम बनवण्यासाठी करण्यात आला आहे. हे स्टायलिश ब्लॅक बॉक्समध्ये पॅक केलेलं आहे. विशेष म्हणजे हाताने बनवलेला धातूचा चमचाही यासोबत येतो. हे चमचे क्योटोच्या काही कारागिरांनी मंदिर बनवण्याचे तंत्र वापरून बनवले आहेत.

या मौल्यवान आइस्क्रीमच्या मिश्रणाची किंमत कपच्या आकारावर अवलंबून असते. १३० मिलीच्या एका कपची किंमत ६,७०० डॉलर्स आहे, म्हणजे भारतीय चलनाचा विचार केला तर ते सुमारे ५ लाख रुपये आहे. गिनीज वर्ल्ड रेकॉर्डनुसार, चमच्याशिवायही या अनमोल आईस्क्रीमची ही किंमत आहे.

जगातील सर्वात महाग आईस्क्रीम व्यतिरिक्त, इतर अनेक आइस्क्रीम आहेत ज्या खूप महाग आहेत. महागड्या आईस्क्रीमच्या यादीमध्ये स्ट्रॉबेरी अरनॉड, अॅब्सर्डिटी संडे, फ्रोझन चॉकलेट हॉट, द ब्लॅक डायमंड, थ्री ट्विन्स आइस्क्रीम संडे, द ब्लॅक डायमंड, ट्रफल आइस्क्रीम यांचा समावेश आहे.या सर्व आइस्क्रीमची खास गोष्ट म्हणजे ते फक्त काही ठिकाणीच मिळतात आणि ते अगदी खास पद्धतीने बनवले जातात. इतकंच नाही तर हे आइस्क्रीम बनवायलाही खूप वेळ लागतो आणि लोकांना ते बनवण्यासाठी आधीच ऑर्डर द्यावी लागते.