साहित्य : १ वाटी किसलेला दुधी, १ वाटी चिरलेली मेथी, चवीनुसार मीठ, तिखट, साखर, लिंबू, अर्धा चमचा जिरेपूड, पाव चमचा हळद, १ चमचा आलं-लसूण पेस्ट, १ चमचा तेल, थोडी चिरलेली कोथिंबीर, पाव चमचा ओवा

पारीसाठी ः पराठ्याची भिजवलेली कणीक

कृती ः

कोथिंबिरीशिवाय सारणाचे सर्व साहित्य एकत्र मिसळून कोरडे होईपर्यंत परतून घ्यावे किंवा ४ ते ५ मिनिटे हायवर मायक्रोवेव्ह करा. नंतर कोथिंबीर मिसळून गार करा.

कणकेच्या लिंबाएवढ्या गोळीत तिच्या दुप्पट सारण भरून पोळीपेक्षा जाड पराठा लाटा. (या पद्धतीने नीट लाटता न आल्यास किंवा सारण कडेपर्यंत न पसरल्यास मोठी पोळी लाटून मध्यात सारण पसरून त्यावर कडेची पोळी झाकून पाकीट पराठा बनवा.)

तव्यासह पराठा दोन्ही बाजूने किंचित भाजून नंतर त्यावर दोन्ही बाजूने तेल सोडून मध्यम आचेवर सोनेरी रंगावर भाजा.