साबुदाणा खिचडी ही अनेकांच्या घरी क्वचितच केली जाते. बहुतांश वेळा खिचडी उपवासाच्याच निमत्ताने घरी बनते. अनेकज खिचडी खायला मिळते म्हणून उपास करतात. त्यामध्ये तुम्ही देखील असालच.

पण कधी कधी खिचडी बनवताना अनेक चुका होतात अन् खिचडी चिकट होते. खिचडी करताना जर साबुदाण्यांचा लगदा झाला तर अख्खी खिचडी खराब होते. त्याची चव देखील बिघडते.

दाताला चिकड लागल्याने खिचडी खाण्याची मज्जाच निघून जाते. तर आज आम्ही तुम्हाला एक अशी ट्रिक सांगणार आहोत जी तुम्ही फॉलो केलात तर तुमची परफेक्ट साबुदाणा खिचडी बनेल.

साबुदाणा भिजवताना घ्या काळजी

खिचडी चांगली होण्यासाठी मध्यम आकाराच्या साबुदाण्याची निवड करा. भिजवून ठेवण्यापूर्वी २-३ वेळा स्वच्छ धुवा म्हणजे साबुदाण्यातील स्टार्चही निघून जाईल. भिजवण्यासाठी साबुदाणा असेल तेवढेच पाणी घाला. जर ते जास्त पाणी शोषले तर ते चिकट होईल.

साबुदाणा कमी पाण्यात चांगला फुगतो आणि ओला राहत नाही, हे लक्षात ठेवा की तुम्हाला साबुदाण्याचे पाणी 3-4 तासांच्या आत गाळून बाजूला ठेवावे लागेल.

चिकटपणा घालवण्यासाठी लिंबू वापरा

लिंबाच्या रसामुळे खिचडी मोकळी आणि मऊसर होते. ही खिचडी बराच वेळ अशी राहते. विशेष म्हणजे ती पुन्हा गरम केली तरीही चिकट न होता आहे तशीच मोकळी राहते. म्हणूनच लिंबू वरुन पिळून घेण्यापेक्षा खिचडी करताना पिळल्यास खिचडी अधिक चांगली व्हायला मदत होते.

तसेच, अनेकजण भिजलेल्या साबुदाण्यामध्ये कूट, साखर, मीठ घालतात आणि मग हे सगळे फोडणीत घालतात. पण असं करु नका. कारण यामुळेच खिचडी जास्त चिकट होण्याची शक्यता असते.