औरंगाबाद : केळी आरोग्यासाठी गुणकारी मानली जाते. जेव्हा त्याबरोबर दूधही घेतले जाते तेव्हा ती आणखीन आरोग्यदायी होते. बनाना शेक पिण्याचे अनेक फायदे आहेत. त्याच्या सेवनाने पचन क्रियेच्या समस्येपासून बचाव होऊ शकतो. केळीत थायमिन, रिबोफ्लेविन, नियासिन, फोलिस अॅसिड, जीवनसत्त्व अ, ब, ब ६, लोह, कॅल्शियम, मॅग्निशियम, पोटॅशियम आदी पोषण तत्त्वे असतात. ती आरोग्यसाठी चांगली मानली जातात. दुसरीकडे दुधात प्रोटीन, कॅल्शियम आणि रायबोफ्लेविन, जीवनसत्त्व अ, ड, क आणि ई या सह फाॅस्फरस, मॅग्निशियम, आयोडिन व अनेक खनिजे असतात. यांच्या मदतीने शरीराला अनेक आरोग्य समस्यांपासून वाचवले जाऊ शकते. तर चला बनाना शेकच्या फायद्यांविषयी जाणून घेऊ या...

१. रोगप्रतिकार वाढते
 बनाना शेकचा सेवन केल्याने रोगप्रतिकारक शक्ती वाढू शकते. यात जीवनसत्त्व क असते. त्याच्या सेवनाने रोगप्रतिकारक शक्ती मजबूत केली जाऊ शकते.

२.हृदय
हृदयाला आरोग्यदायी ठेवण्यास बनाना शेक मदत करतो. केळीत पाॅटेशियम भरपूर प्रमाणात असते. ते हृदयाशी संबंधित समस्या कमी करण्यास मदत करते.

३. झोप
झोप न येण्याच्या समस्येने तुम्ही त्रस्त आहात तर मग बनाना शेक तुम्हाला मदतीस येऊ शकतो. केळीत ट्रिप्टोफॅन असते. जे सेरोटिनिनच्या स्त्रावात मदत करते. हे चांगल्या झोपेसाठी खूप लाभदायक असते. ज्यांना झोप कमी येते, त्यांनी बनाना शेक प्यायला हवे.

४.पचन
बनाना शेकमध्ये जीवनसत्त्व क, ब ६ भरपूर प्रमाणात असते. या व्यतिरिक्त फायबरही खूप असते. जे पचनक्रिया चांगल्या ठेवण्यास मदत करते.

५.एनर्जी
एनर्जीची कमी दूर करण्यात बनाना शेक मदत करु शकतो. दिवसभर काम करण्यासाठी आपल्याला एनर्जीची गरज असते. केळी आणि दूधापासून बनवलेल्या बनाना शेक दिवसभर एनर्जी देण्यास मदत करु शकतो.

Edited - Ganesh Pitekar

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)