बीन मौसम बरसात’ सुरू असताना काहीतरी चमचमीत, चटपटीत खायची इच्छा प्रत्येकाला होतेच. हा पण, पाऊस आणि भजी हे कॉम्बिमेशन प्रसिद्ध असले तरीही इतर नवे पदार्थ नक्की ट्राय करायला पाहीजेत. आज अशीच एक रेसिपी ट्राय करूयात. 

कोणत्याही रेसिपीला पंजाबी तडका दिला तर त्याची चव अजूनच वाढते. तसे पाहीले तर, मॅगी ही चायनिज पदार्थ आहे. या चायनिज पदार्थाला देसी पंजाबी तडका दिला तर एक नवी चव इन्वेंट होईल. या रेसिपीचे नाव पंजाबी तडका मॅगी असून पटकन रेडी होणारी ही रेसिपी आहे. तशी मॅगी तर २ मिनीटातच तयार होते. पण, ही मॅगी पासून बनणारी जरा हटके रेसिपी असल्याने याची नविन आणि वेगळी चव तूम्हाला नक्की आवडेल.  

साहित्य:

● मॅगीची २ पॅकेट

● १/४ कप कांद्याचे तुकडे

● १/४ कप टोमॅटोचे तुकडे

● १/४ कप सिमला मिरचीचे तुकडे

● १/४ कप हिरवे वाटाणे

● १/४ कप गाजरचे तुकडे

● १/२ टीस्पून गरम मसाला

● १ टीस्पून काश्मिरी मिरची पावडर

● ३ सुक्या लाल मिरच्या

● १ टीस्पून लसूणचे तुकडे

● १ टीस्पून बटर

कृती

पंजाबी तडका मॅगी बनवण्यासाठी कढईत तेल गरम करून त्यात कांदा, टोमॅटो, सिमला मिरची, वाटाणे आणि गाजर घाला. या भाज्या चांगल्या मऊ होईपर्यंत शिजवा. आता मॅगी मसाला, गरम मसाला, थोडे मीठ घालून मिक्स करा. मसाला शिजल्यावर त्यात २ वाट्या पाणी घाला. मसाला आणि पाणी एकत्र उकळून त्यात मॅगी नूडल्स घाला.झाकण ठेवून थोडा वेळ शिजू द्या. मॅगी जवळजवळ शिजली की दुसरे पॅन गरम करा आणि त्यात बटर घाला.बटर विरघळल्यावर त्यामध्ये चिरलेला लसूण आणि सुक्या लाल मिरच्या घाला. मिरच्या चांगल्या तडतडल्या की, त्यामध्ये काश्मिरी लाल मिरची पावडर टाका. सर्वकाही नीट मिक्स झाल्यावर गॅस बंद करा. तुमची गरम पंजाबी तडका मॅगी गरम गरम सर्व्ह करा.