Recipe : घरातली भाजी संपली असेल आणि काही झटपट, चटपटीत आणि तिखट खाण्याची इच्छा असेल तर ही टेस्टी आणि चवीला बेस्ट रेसिपी तुम्ही ट्राय करू शकतात. छोले (चना) मसाला घरी बनवणे खूप सोपे असते. भारतीयांची ही फेवरेट रेसिपी आहे असे म्हटले तरी हरकत नाही. हे तुम्ही चपाटी, रोटी, नान किंवा अगदी नुसतेसुध्दा खाऊ शकतात.

ही रेसिपी ग्रेव्हीची किंवा सुकी करू शकतात. आम्ही येथे सुका छोले मसाल्याची रेसिपी सांगत आहोत. जाणून घेऊ रेसिपी.

साहित्य

• छोले - १०० ग्रॅम

• तेल - २ चमचे

• जीरे - अर्धा चमचा

• कढी पत्ता - ५-६

• हिरवी मिरची - ३

• कांदा - १

• आले लसूण पेस्ट - अर्धा चमचा

• लाल तिखट - १ चमचा

• धणे पूड - अर्धा चमचा

• मीठ

• गरम मसाला - १ चमचा

• नारळाचा चव - १ चमचा

• लिंबाचा रस - २ चमचे

• कोथिंबीर

कृती

• गॅसवर कढई ठेऊन तेल गरम करावे.

• नंतर जीरे, कढीपत्ता, कांदा, आले लसूण पेस्ट, हिरवी मिरची घालून फोडणी करावी.

• नंतर त्यात लाल तिखट, धणे पूड आणि चवी पूरते मीठ घालावे.

• नंतर त्यात भिजवलेले छोले घालून परतावे.

• आता त्यात थोडे पाणी घालावे.

• नंतर त्यात नाराळाचा चव आणि गरम मसाला घालून झाकण ठेऊन ५ मिनीट शिजवावे.

• नंतर त्यात लिंबाचा रस घालावा.

• वरून नाराळाच्या चव आणि कोथिंबीर घालून गार्निशिंग करावे.