Healthy Momo: मोमोज अनेक लोकांचा आवडता पदार्थ आहे. पण मैदापासून बनवलेल्या मोमोजमुळे पोटासंबंधित समस्या निर्माण होऊ शकतात. पण जर तुम्हाला कोणी सांगितले की मोमोज हेल्दी असू शकतात, तर तुम्ही मान्य करणार का? तुम्हाला हेल्दी पद्धतीने मोमोज कसे बनवायचे हे सांगणार आहोत.

गव्हाच्या पिठापासून बनवलेले मोमोज आरोग्यदायी असतात. गव्हाच्या पीठापासून बनवलेले मोमोज हे रस्त्यावर मिळणाऱ्या सामान्य मोमोजपेक्षा पौष्टिक असतात. पण जर तुम्ही असा विचार करत असाल की गव्हाच्या पिठामुळे बनवलेले मोमोज चवदार लागत नाही तर असे चुकीचे आहे. कारण गव्हाच्या पिठापासून बनवलेले मोमोज चवदार असून झटपट तयार होतात. चला तर मग जाणून घेऊया मोमोज कसे बनवायचे.

मोमोज बनवण्यासाठी लागणारे साहित्य

गव्हाचे पीठ

सोयाबीन वड्या

बारिक चिरलेला लसूण

मीठ

चिरलेली ब्रोकोली

आलं पेस्ट

हिरवी मिरची

मोमोज बनवण्याची कृती

सर्वात आधी गव्हाचे पीठ आणि मीठ मिक्स करावे. थोडे पाणी घालून पिठ चांगले मळून घ्यावे. नंतर एका भांड्यात बारिक चिरलेली कोबी, मोड आलेले कडधान्य, ब्रोकोली, आलं पेस्ट, लसूण, मिरची पेस्ट, मीठ आणि चिमूटभर साखर मिक्स करा. मळलेल्या पिठाचे छोटे गोळे करून घ्यावे.त्यात भाज्यांचे मिश्रण भरावे. त्याची घडी करून मोमोजचा आकार द्या. तुम्ही वाफवून किंवा तळून घेऊ शकता. मायो किंवा शेझवान चटणीसोबत गरमा गरमा मोमोज सर्व्ह करू शकता .