Healthy Recipe :

नुकतेच एकमेकांना शुभेच्छा देत वर्षभर गोड बोलण्याचा सल्ला तूम्ही सगळ्यांना दिला असेल. या शुभेच्छांसोबत तिळाची वडी अन् तिळगुळही हातावर टेकवले असतील.तर आज आपण तिळापासून बनवला जाणारा अन् आपल्या आरोग्यासाठी पौष्टीक असलेला एक पदार्थ बनवणार आहोत.

हिवाळ्याच्या दिवसात शरीराला उबदार ठेवतील असे पदार्थ खाल्ले जातात. तिळामध्ये असलेली उष्णता आपल्यासाठी लाभदायक असते. त्यामुळेच संक्रांतीला तिळाचे पदार्थ खाल्ले जातात. तिळाच्या वड्या अन् लाडू बनवून खाल्ले असतील तर आता तिळापासून बनलेली टिक्की ही ट्राय करून पहा.

साहित्य

• बटाटा - २ (उकडलेले)

• तीळ - 1 कप (पांढरे)

• पनीर - 1 कप (किसलेले)

• कांदा - 1 (चिरलेला)

• धणे - 1 कप (चिरलेला)

• काळी मिरी पावडर - 1 टीस्पून

• चिली फ्लेक्स - 1 टीस्पून

• मीठ - चवीनुसार

• तेल - टिक्की तळण्यासाठी

• चाट मसाला- 1 टीस्पून

कृती

तिळाची टिक्की बनवण्यासाठी आधी बटाटे सोलून उकळायला ठेवा. तसेच, कांदा बारीक चिरून घ्या. आता एका भांड्यात चिरलेला कांदा, हिरवे धणे, किसलेले चीज आणि सर्व मसाले घालून मिक्स करा. यानंतर तीळ घाला.

यानंतर चमच्याच्या मदतीने मॅश करा आणि सर्व साहित्य मिसळा. सर्व साहित्य नीट मिसळून झाल्यावर थोडे तेल घालून टिक्कीचा आकार द्या.

यावेळी गॅसवर नॉन-स्टिक पॅन गरम करण्यासाठी ठेवा. कढई गरम झाल्यावर तेल घालून टिक्की दोन्ही बाजूंनी मंद गॅसवर फ्राय करून घ्या.

टिक्की दोन्ही बाजूंनी तळून झाल्यावर ताटात काढून वरती चाट मसाला आणि हिरवी कोथिंबीर पसरवा. हिरव्या आणि लाल चटणीबरोबर गरमागरम सर्व्ह करा.