Holi 2024 : आज देशात सगळीकडे होळीचा उत्साह पहायला मिळत आहे. होळी हा आनंदाचा आणि रंगांचा सण आहे. देशात होळीचा सण मोठ्या थाटामाटात साजरा केला जातो. आजच्या दिवशी होलिका दहन केले जाते. गोडाधोडाचे पदार्थ बनवले जातात. होळीला नैवेद्य दाखवला जातो.
होळीला अनेक प्रकारचे खाद्यपदार्थ बनवले जातात. देशातील अनेक राज्यांमध्ये होळीच्या विविध परंपरा आहेत. या परंपरा पाळून होळी साजरी केली जाते. त्यामुळे, खाद्यपदार्थांमध्ये ही विविधता पहायला मिळते. आज होळीच्या निमित्ताने आम्ही तुम्हाला काही खास पदार्थांच्या रेसिपीबद्दल सांगणार आहोत. हे पदार्थ तुम्ही होळीला घरच्या घरी बनवू शकता. कोणते आहेत हे पदार्थ चला तर मग जाणून घेऊयात.
होळीला बनवल्या जाणाऱ्या खाद्यपदार्थांमध्ये या पदार्थाचा सर्वात वरचा क्रमांक लागतो. महाराष्ट्रात याला करंजी म्हणून ओळखले जात असले तरी इतर राज्यांमध्ये या पदार्थाला गुजिया म्हणून ओळखले जाते.
हा पदार्थ मावा, भांग, चॉकलेट, कोकोनट इत्यादी वेगवेगळ्या फ्लेवर्समध्ये बनवला जातो. चवीला गोड असणारा हा पदार्थ बनवायला अतिशय सोपा आहे. ही चविष्ट करंजी बनवण्यासाठी सर्वात आधी रवा आणि खवा भाजून घ्या. यामध्ये ड्रायफ्रूट्स बारीक चिरून घाला. आता हे मिश्रण तयार झाल्यावर कणीक मळून घ्या.
ही कणीक मऊ असायला हवी. त्यानंतर, कणकेचे बारीक गोळे लाटून घ्या. हे गोळे लाटल्यानंतर, त्यात रवा किंवा खव्याचे मिश्रण भरा. करंजीच्या साच्यामध्ये करंजी बनवा किंवा तुम्हाला हवा असलेला आकार करंजीला द्या. तुमची चविष्ट करंजी तयार आहे.
रसमलाई हा गोड पदार्थ खायला कुणाला आवडत नाही. हा पदार्थ सगळ्यांच्याच आवडीचा आहे. होळीच्या निमित्ताने घरच्या घरी तुम्ही हा पदार्थ बनवू शकता. हा पदार्थ बनवण्यासाठी सर्वात आधी दूध उकळून घ्या. त्या लिंबू पिळा जेणेकरून दुधाचे दही तयार होईल. आता दुधापासून दही तयार झाल्यावर सुती कपड्यात बांधून ते लटकून ठेवा. त्यातील अतिरिक्त पाणी संपल्यावर ते दही बारीक करण्यासाठी स्मॅश करा.
आता यापासून गोलाकार आकारातील गोळे बनवून घ्या. त्यानंतर, साखरेचा पाक बनवा. या साखरेच्या पाकात हे गोळे बुडवून ठेवा. त्यानंतर, एका कढईत दूध उकळून त्यात केशर आणि सुकामेवा घाला. थोडावेळ दूध उकळून घ्या. त्यानंतर, पाकातून गोळे काढून ते दुधात टाका. अर्धा तास असेच त्यात राहुद्या. जेणेकरून दूध चांगले शोषले जाईल. आता तुमची चविष्ट रसमलाई तयार आहे. त्यावर, ड्रायफ्रूट्स घालून सजवा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.