सकाळ साप्ताहिक- मिना काळे

Bharli Mirchi Recipe: जेवणात रोज कोणती भाजी बनवावी हा प्रश्न अनेक महिलांना पडतो. तुम्ही एकाच प्रकराची ढोबळी मिरची खाऊन बोर झाले असाल तर भरली मिरची तयार करू शकता. भरली मिरची दुपारी किंवा रात्री जेवणात तयार करू शकता. भरली मिरची बनवणे खुप सोपे आहे. तसेच घरातील सर्व लोकांना देखील भाजी आवडेल. ढोबळी मिरची कशी बनवावी आणि कोणते साहित्य लागते हे जाणून घेऊया.

भरली मिरची बनवण्यासाठी लागणारे साहित्य

आठ ते दहा लांबट आकाराच्या सिमला मिरच्या

२ बटाटे

१ बीट

४ हिरव्या मिरच्या

४ लसूण पाकळ्या

मीठ

कोथिंबीर

ब्रेड क्रम्ब्स

अर्धा वाटी तांदूळ पिठी

पाव वाटी बेसन

तेल

भरली मिरची बनवण्याची कृती

लांबट सिमला मिरच्या उभ्या चिरून त्यातील बिया काढून टाकाव्यात.

बटाटे व बीट उकडून, साले काढून किसून घ्यावीत.

मीठ, मिरच्या आणि लसूण वाटून घ्यावेत आणि त्यात कोथिंबीर चिरून घालावी.

त्यात तांदूळ पीठ आणि बेसन घालून थोडे पाणी घालून सगळ्याचे मिश्रण करून गोळा करावा.

उभ्या कापलेल्या सिमला मिरच्यांमध्ये हे सारण भरावे आणि बाहेरूनही लावावे.

ह्या मिरच्या ब्रेड क्रम्ब्समध्ये घोळून घ्याव्यात.

तव्यावर थोडे तेल टाकून गरम करायला ठेवावा.

त्यात ह्या मिरच्या सोडाव्यात झाकण ठेवून एक वाफ आणावी.

नंतर दुसऱ्या बाजूने पण थोडे तेल सोडून परतून घ्याव्यात.

गुलाबी रंगाच्या ह्या मिरच्या स्टार्टर म्हणूनपण चांगल्या लागतात.