भावना गंधिले

Chana Dal Ladu Recipe : आपल्याकडे गोड पदार्थांचे शौकिन असणाऱ्यांची संख्या काही कमी नाही. त्यातल्या त्यात लाडू खायला तर सगळ्यांनाच आवडते. अगदी लहानांपासून ते मोठ्यांपर्यंत सर्वांना लाडू खायला आवडते. लाडूंचे असंख्य प्रकार देखील आहेत. मोतीचूर लाडू, डाळीचे लाडू, शेवचे लाडू, रव्याचे आणि बेसनाचे लाडू इत्यादी लाडूचे असंख्य प्रकार आहेत.

आज आम्ही तुम्हाला लाडूची अशीच एक सुंदर रेसिपी सांगणार आहोत. ही रेसिपी आहे हरभरा डाळीपासून बनवल्या जाणाऱ्या लाडूची. चला तर मग जाणून घेऊयात हरभरा डाळीच्या लाडूची सोपी रेसिपी.

साहित्य :

• दोन वाट्या भिजवलेली हरभरा डाळ

• साजूक तूप,

• दीड वाटी पिठी साखर

• वेलदोडा पावडर

• काजू, बदाम,

• केसर

हरभरा लाडू करण्याची सोपी पद्धत :

• दोन तास हरभरा डाळ भिजवून घ्यावी.

• भिजलेली डाळ मिक्सरला बारीक करून घ्यावी.

• नंतर डाळीच्या पेस्टचे गोळे तुपात सोडून तळून घ्यावे.

• तळलेले गोळे थंड झाल्यावर छान मोकळे करून घ्यावे. त्यात दीड वाटी पिठीसाखर, वेलदोडा पावडर, केसर, काजू, बदाम घालून लाडू वळून घ्यावे.

• तयार लाडूवर काजूचे तुकडे ठेवून सर्व्ह करावे.