पाहुणे घरी येणार असले तर त्यांना काय करायचे हा प्रश्न नेहमीच सतावतो. अशावेळी तेच तेच पोहे, सामोसे बनवले जातात. पाहुणेही घरी आणि बाहेरही तेच खाऊन कंटाळतात. वेगळे काहीतरी ट्राय करायचे असेल तर बेकरी सारखे कॉर्न-चीज पफ नक्की बनवा.

विकेंड आला की काहीतरी वेगळे खावे असे प्रत्येकाला वाटते. त्यामुळेच विकेंडला पिझ्झा हट्जवर गर्दी होते. पण, प्रत्येकवेळी बाहेर जाऊन खाणे शक्य नसते. त्यामुळेच आम्ही तुमच्यासाठी कॉर्न-चीज पफ्सची झटपट आणि सोपी रेसिपी घेऊन आलो आहोत.

साहीत्य

• १ कप मैदा

• १ कप कॉर्न

• २ टेबल स्पून मेयोनीज

• १/२ कप चीज

• १ टी स्पून मीठ

• १ टी स्पून काळे मिरे

• १ टी स्पून लाल तिखट

कृती

सर्वप्रथम थोडे मीठ घालून मैदा मळून घ्या.

एका भांड्यात कॉर्न उकडून घ्या.

कॉर्नमध्ये मेयोनीज, मीठ, मिरपूड आणि लाल तिखट मिसळा.

या मिश्रणात चीज खिसून घाला.

पिठाच्या लहान गोलाकार गोळे करून त्यात मधोमध हे मिश्रण भरा.

सर्व पिठाचे आणि मिश्रणाचे पूर्ण गोलाकार गोळा करून घ्या.

हे गोळे तूम्ही शॅलो फ्राय करू शकता किंवा तळू शकता.