Know This Simple Recipe for Spicy Carrot-Radish Pickle

हवामान थोडं थंड झालं की लोणचं बनवलं जातं. हिवाळा येताच बाजारात हंगामी भाज्यांची आवक सुरू होते. लोणच्याचं नाव ऐकताच तोंडाला पाणी सुटते. भारतीय जेवण लोणच्याशिवाय अपूर्ण आहे. लोणचे हे अनेकांचे आवडते असते. लिंबूचे, कैरीचे, मुळ्याचे अशी अनेक प्रकारची लोणची आपण विकत आणतो किंवा घरी तयार करत असतो.

हिवाळ्यात तुम्ही गाजर आणि मुळ्याची कोशिंबीर खाल्ली असेलच. हे दोन्ही आरोग्यासाठी खूप फायदेशीर आहेत. अनेकजण गाजर, मुळ्याची भाजीही खातात. पण हवं तर गाजर आणि मुळ्याचं लोणचंही खाऊ शकता.

गाजर आणि मुळ्याचे लोणचे खूप चवदार आणि पौष्टिक आहेत. हे लोणचं तुम्ही रोटी, पराठ्यासोबत खाऊ शकता. आज आपण गाजर आणि मुळ्याचे लोणचे कसे करायचे याची सविस्तर रेसिपी जाणून घेणार आहोत.

लागणारे साहित्य (Materials required)

• गाजर

• मुळा

• मिरच्या

• तेल

• मोहरी

• जिरे

• मेथी

• काळी मिरी

• धणे

• हळद मिरची पावडर

• मीठ

• ओवा

• आमचूर पावडर

कृती: (Action)

सर्वप्रथम प्रथम गाजर, मुळा आणि मिरच्या चांगल्या प्रकारे धुवून कापडाने पुसून घ्या. त्यानंतर त्यांचे लांब तुकडे करा.

आता कढईत तेल गरम करा त्यात चिरलेल्या मिरच्या तळून घ्या.

यानंतर त्यात गाजर आणि मुळ्याचे तुकडे टाका. 4-5 मिनिटे शिजवा. आता त्याचा मसाला तयार करा. त्यासाठी मोहरी, जिरे, मेथी, काळी मिरी, धणे चांगले परतून घ्या.

भाजल्यानंतर हे सर्व मिक्सरमध्ये वाटून घ्या. यानंतर गाजर, मुळा आणि मिरच्यांमध्ये हळद, मिरची पावडर, मीठ, ओवा, आमचूर पावडर घालून चांगले मिक्स करा.

आता त्यात वाटलेला मसाला घाला आणि हे सर्व चांगले मिसळा.

त्यानंतर थोडा वेळ शिजवा. आता हे तयार मसालेदार लोणचे तुम्ही संपूर्ण हिवाळ्यात खाऊ शकता.