दिवाळीत ज्याप्रमाणे आवडीने चकल्या केल्या जातात त्याप्रमाणे कडबोळ्याही केल्या जातात. या कडबोळ्या खुसखुशीत होणे गरजेचे असते. अनेकांना कडबोळ्या दह्याबरोबर खायला आवडतात. आज बघू कडबोळ्यांची रेसिपी.

त्यासाठी आधी भाजणी करून घेऊ

भाजणीचे साहित्य- तांदूळ चार वाट्या, पिवळे हरभरे - सालासकट, उडीद - गहू - ज्वारी - बाजरी प्रत्येकी एक वाटी, धणे अर्धी वाटी, जिरे पाव वाटी.

कृती- सर्व धान्ये निवडून वेगवेगळी भाजून एकत्र करून बारीक दळा.

एकदा भाजणी तयार झाली की मग, कडबोळ्या कराव्यात.

कडबोळीसाठी लागणारे साहित्य- कडबोळ्यांसाठीची भाजणी दोन वाट्या (ही भाजणी केली नसेल तर त्याएेवजी चकलीची भाजणी चालू शकेल.) तीळ दोन चमचे, मीठ एक चमचा, तिखट (लाल) एक चमचा, कडकडीत तेलाचे मोहन चार-पाच चमचे, भाजणीत मेथी पूड नसेल तर एक चिमूट मेथीपूड, तळण्यासाठी तेल.

कृती- भाजणीच्या पिठात तीळ, मीठ, तिखट, मेथीपूड एकत्र करून त्यावर कडकडीत तेलाचे मोहन घालून कोमट पाण्यात घट्ट भिजवा. थोड्या वेळाने त्याची कडबोळी तळा.

(संदर्भ: पुस्तक-मराठी सण...मराठी रेसिपी, सकाळ प्रकाशन, लेखिका-अश्विनी अजित डिके)