Healthy Breakfast Recipe : आपल्या आरोग्यासाठी फायदेशीर असणारा दुधी भोपळा सर्वांनाच आवडतो असे नाही. मात्र, हा दुधी भोपळा खाण्याचे अनेक फायदे आहेत. पोटासाठी चांगला असणारा हा दुधी भोपळा आरोग्यासाठी लाभदायी आहे. भोपळ्यापासून अनेक प्रकारचे खाद्यपदार्थ बनवले जातात.

दुधी भोपळ्याची भाजी, रायता, हलवा आणि थालीपीठ इत्यादी अनेक पदार्थ या दुधी भोपळ्यापासून बनवले जातात. दुधी भोपळ्याचे सेवन केल्याने वजन देखील कमी होते. आज आम्ही तुम्हाला दुधी भोपळ्याची एक खास रेसिपी सांगणार आहोत.

ही रेसिपी नाश्त्यासाठी एकदम बेस्ट आहे. या रेसिपीचे नाव आहे दुधी भोपळ्याचा डोसा. सकाळच्या नाश्त्यामध्ये तुम्ही भोपळ्याच डोसा नक्कीच बनवू शकता. चला तर मग जाणून घेऊयात या सोप्या रेसिपीबद्दल.

दुधी भोपळ्याचा डोसा बनवण्यासाठी लागणारे साहित्य खालीलप्रमाणे :

• अर्धा कप किसलेला दुधी भोपळा

• १/२ कप तांदळाचे पीठ

• १/२ कप रवा

• ३-४ हिरव्या मिरच्या

• चवीनुसार मीठ

दुधी भोपळ्याचा डोसा बनवण्याची योग्य पद्धत खालीलप्रमाणे :

• सर्वात आधी किसलेला दुधी भोपळा मिक्सरमध्ये बारीक करा.

• हे मिश्रण घट्ट वाटल्यास त्यात थोडेसे पाणी मिसळून त्याची गुळगुळीत पेस्ट बनवून घ्या.

• आता ही पेस्ट एका मोठ्या भांड्यात काढून घ्या. या भांड्यात आता तांदळाचे पीठ, रवा, हिरवी मिरची, मीठ आणि थोडेसे पाणी घाला.

• डोसा बॅटर बनवण्यासाठी आता हे सर्व मिश्रण चांगल्या प्रकारे एकजीव करा.

• हे सर्व मिश्रण चांगल्या प्रकारे एकत्र झाल्यानंतर हे बॅटर १५ मिनिटे झाकून ठेवा.

• आता दुसऱ्या बाजूला डोसा पॅन गॅसवर गरम करायला ठेवा.

• पॅन गरम झाल्यानंतर त्यात गरमागरम डोसे बनवून घ्या.

• आता खोबऱ्याच्या चटणीसोबत हा कुरकुरीत डोसा सर्व्ह करा.