Murmurre Appe Recipe : सकाळचा नाश्ता हा लाईट आणि हेल्दी असावा, असे सगळ्यांनाच वाटते. परंतु, हा नाश्ता हेल्दी-टेस्टी असण्यासोबतच पचायला ही हलका हवा. असे ही काहींचे म्हणणे असते. नाश्त्याला नेहमीच पोहे, उपमा, इडली आणि शिरा खाण्यापेक्षा काहीतरी वेगळे ट्राय करायचे असेल तर त्यासाठी मुरमुरा अप्पे हा उत्तम पर्याय आहे.

आतापर्यंत तुम्ही रव्यापासून बनवलेले अप्पे, डाळी-तांदळापासून बनवलेले अप्पे खाल्ले असतील पण तुम्ही कधी मुरमुरे अप्पे ट्राय केले आहेत का? नाही ना. मग, आजचा हा लेख शेवटपर्यंत वाचा. कारण, आज आम्ही तुम्हाला हे हेल्दी-टेस्टी असणारे मुरमुरे अप्पे कसे बनवायचे? त्याची सोपी रेसिपी सांगणार आहोत.

मुरमुरे अप्पे बनवण्यासाठी लागणारे साहित्य

• 2 कप मुरमुरे

• १ कप रवा

• २ कप दही

• १ कांदा बारीक चिरलेला

• १ टोमॅटो बारीक चिरलेला

• ३-४ हिरव्या मिरच्या बारीक चिरलेल्या

• कोथिंबीर बारीक चिरलेली

• १ चमचा लाल तिखट

• चवीनुसार मीठ

• १ चमचा सोडा

मुरमुरे अप्पे बनवण्याची सोपी पद्धत खालीलप्रमाणे :

• सर्वात आधी एका बाऊलमध्ये मुरमुरे स्वच्छ धुवून ५ मिनिटांसाठी भिजत ठेवा.    

• आता दुसऱ्या एका बाऊलमध्ये रवा आणि पाणी एकत्रितपणे मिसळून ५ मिनिटांसाठी तसेच ठेवा.

• त्यानंतर, एका मिक्सरच्या भांड्यामध्ये भिजवलेले मुरमुरे, रवा आणि दही घालून गुळगुळीत पेस्ट बनवून घ्या.

• आता हे तयार झालेले बॅटर एका भांड्यात काढून घ्या आणि त्यात कांदा, टोमॅटो, हिरवी मिरची आणि लाल तिखट घालून चांगले मिक्स करा.

• हे बॅटर छान एकजीव झाले की, त्यात सोडा, मीठ आणि एक चमचा लिंबाचा रस घाला आणि मिश्रण पुन्हा एकत्र करा.

• आता अप्पे पात्र गॅसवर गरम करायला ठेवा, त्यात थोड तेल घालून हे बॅटर अप्पे पात्रात घाला.

• त्यानंतर, दोन मिनिटांसाठी अप्पे पात्रावर झाकण ठेवा.

• एका बाजूने अप्पे शिजल्यानंतर, दुसरी बाजू याप्रमाणे शिजवून घ्या.

• तुमचे अप्पे शिजल्यानंतर, गरमागरम अप्पे खोबऱ्याची चटणी किंवा टोमॅटो सॉससोबत खायला घ्या.