Mysore Masala Dosa : दक्षिण भारतीय खाद्यपदार्थ सकाळच्या नाश्त्यामध्ये खायला आपल्या सगळ्यांनाच आवडते. या पदार्थांमध्ये डोसा, इडली, उत्तप्पा, आप्पे, इत्यादींचा समावेश होतो. परंतु, यापैकी एक आणि हटके असलेला म्हैसूर मसाला डोसा सगळ्यात वेगळा आहे. हा म्हैसूर मसाला डोसा खायला अतिशय रूचकर लागतो.

शिवाय, हा डोसा बाहेरून कुरकुरीत असतो आणि आतून त्यावर लाल चटणीचा थर असतो. त्यामुळे, याची चव अप्रतिम लागते. सकाळच्या नाश्त्याला बनवण्यासाठी हा एक बेस्ट ऑप्शन आहे. हा म्हैसूर मसाला डोसा कसा बनवायचा? चला तर मग जाणून घेऊयात त्याची सोपी रेसिपी.

म्हैसूर मसाला डोसा बनवण्यासाठी लागणारे साहित्य :

• १ कप तांदूळ

• ३-४ चमचे उडीद डाळ

• ३ चमचे तूर डाळ

• १/४ कप उडीद डाळ

• २-३ चमचे रवा

• १ चमचा मेथी दाणे

• चवीनुसार मीठ

डोसा चटणी बनवण्यासाठी लागणारे साहित्य :

• २ बटाटे

• १ कांदा बारीक चिरलेला

• १ चमचा आलं लसणाची पेस्ट

• बारीक चिरलेली कोथिंबीर

• चवीनुसार मीठ

• तेल

• १ चमचा जिरे-मोहरी

• कढीपत्ता

म्हैसूर मसाला डोसा बनवण्याची योग्य पद्धत खालीलप्रमाणे :

• म्हैसूर मसाला डोसा बनवण्यासाठी सर्वात आधी रवा सोडून इतर सर्व साहित्य ४ तास भिजत ठेवा.

• त्यानंतर, त्यात रवा, मीठ आणि पाणी मिसळा.

• हे सर्व मिश्रण मिक्सरला बारीक करून बाजूला ठेवा आणि रात्रभर आंबू द्या.

• दुसऱ्या बाजूला बटाटे उकडून घ्या आणि ते स्मॅश करा.

• आलं-लसणाची पेस्ट, कोथिंबीर, हिरवी मिरची आणि कांदा बारीक करून त्याची पेस्ट बनवा.

• आता कढईत तेल गरम करून त्यात जिरे-मोहरी घाला.

• त्यात आता कांदा आणि पेस्ट घालून परतून घ्या. त्यानंतर, त्यात बटाटा, मीठ आणि कढीपत्ता घाला. बटाटाट्याची डोसा चटणी तयार आहे.

• आता लाल चटणी बनवण्यासाठी हरभरा डाळ हलकी लालसर होईपर्यंत भाजून घ्या.

• आता कांदा, लसूण आणि आलं बारीक करून घ्या.

• आता सर्व साहित्य बारीक करून त्याची पेस्ट तयार करा.

• आता म्हैसूर मसाला डोसा बनवण्यासाठी डोस पॅनमध्ये थोडे तेल घालून त्यावर डोसा पीठ पसरून घ्या.

• डोसाभोवती तेल लावून चांगला डोसा भाजून घ्या.

• आता डोस्यावर लाल चटणी लावा आणि बटाटा चटणी लावा. तुमचा गरमागरम म्हैसूर मसाला डोसा तयार आहे.