Papad Paratha : अनेकांन नाश्त्यामध्ये गरमागरम पराठे खायला आवडतात. खास करून हिवाळ्यात पराठा खाण्यावर लोक भर देतात. मेथी, बटाटा, पालक आणि कोबीपासून बनवलेले पराठे नाश्त्यामध्ये नेहमीच खाल्ले जातात.

मात्र, तुम्ही पापडापासून ही टेस्टी पराठा बनवू शकता. मार्केटमध्ये तर आजकाल अनेक प्रकारचे पापड मिळतात. हे पापड भाजून त्यापासून चविष्ट पराठे तुम्ही बनवू शकता. हे पराठे कसे बनवायचे? त्याची रेसिपी आपण जाणून घेऊयात.

टेस्टी पराठा बनवण्यासाठी लागणारे साहित्य

• गव्हाचे पीठ

• तेल

• पापड

• कोथिंबीर

• तिखट

• हळद

• चवीनुसार मीठ

टेस्टी पराठा बनवण्याची पद्धत खालीलप्रमाणे

• पापड पराठा बनवण्यासाठी एका परातीमध्ये किंवा खोलगट भांड्यामध्ये गव्हाचे पीठ चाळून घ्या.

• आता या पीठामध्ये मीठ, तेल आणि पाणी घालून हे पीठ चांगल्या प्रकारे मळून घ्या.

• पीठ मळून झाल्यानंतर ते ५ मिनिटांसाठी सेट करायला ठेवा.

• आता पीठ मळून झाल्यानंतर, भाजलेले पापड आणि मीठ मिक्सरमध्ये बारीक करून घ्या.

• आता या पापडाच्या मिश्रणात तिखट, हळद, कोथिंबीर आणि तुमच्या आवडीचे इतर मसाले घालून छान मिक्स करून घ्या.

• पराठा करण्यासाठी घेतलेले पीठ पोळपाटावर लाटा आणि त्यात स्टफिंगसाठी हे पापडाचे मिश्रण भरून घ्या.

• नंतर, नेहमीसारखा पराठा लाटून घ्या. तुमचा गरमागरम पराठा तयार आहे.

• वरून मस्त तूप घालून गरमागरम पराठा सर्व्ह करा.