Healthy Breakfast Recipe : जर तुम्हाला सकाळच्या नाश्त्यामध्ये काहीतरी वेगळे आणि हेल्दी खायचे असेल तर नाचणीचे धिरडे हा बेस्ट ऑप्शन आहे. नाचणीमध्ये पौष्टिक घटक मोठ्या प्रमाणात आढळून येतात. नाचणीपासून अनेक प्रकारचे खाद्यपदार्थ आवर्जून बनवले जातात.

आज आपण नाचणीच्या पीठाचा वापर करून केल्या जाणाऱ्या चविष्ट धिरड्याची रेसिपी जाणून घेणार आहोत. ही हेल्दी आणि टेस्टी रेसिपी तुम्ही सुद्धा नक्की ट्राय करून पहा. चला तर मग जाणून घेऊयात नाचणीच्य धिरड्याची पौष्टिक रेसिपी.

नाचणीचे धिरडे बनवण्यासाठी लागणारे साहित्य

• नाचणीचे पीठ १ वाटी

• अर्धी वाटी दही

• कोथिंबीर

• तेल किंवा तूप

• चवीनुसार मीठ

• कोमट पाणी

• हिरव्या भाज्या

• तिखट

नाचणीचे धिरडे बनवण्याची योग्य पद्धत खालीलप्रमाणे :

• एका भांड्यात किंवा परातीमध्ये नाचणीचे पीठ घ्या.

• या पीठामध्ये अर्धी वाटी दही, मीठ,तिखट आणि हिरव्या भाज्या मिसळा.

• आता यामध्ये कोमट पाणी मिसळून हे सर्व घटक चांगल्या प्रकारे एकत्र करून पीठ घट्ट बनवा.

• आता या पीठात तूप किंवा तेल घाला.

• त्यानंतर, गॅसवर पॅन किंवा तवा ठेवा.

• आता या पॅन किंवा तव्यावर तेल पसरवा आणि नाचणीच्या धिरड्याचे पीठ पसरून घ्या.

• हे धिरडे आता दोन्ही बाजूंनी सोनेरी होईपर्यंत चांगले शिजवून घ्या.

• तुमचे नाचणीचे धिरडे तयार आहे.

• आता गरमागरम नाचणीचे धिरडे लोणचे, टोमॅटो सॉस किंवा चटणीसोबत सर्व्ह करा.