Evening Snacks : सकाळच्या नाश्त्यामध्ये गरमागरम पोहे खायला सर्वांनाच आवडते. हा सर्वांच्या आवडीचा नाश्ता आहे, असे म्हटले तरी ते चुकीचे ठरणार नाही. परंतु, हे साधे पोहे तुम्ही नेहमीच खात असाल, आज आम्ही तुम्हाला खास संध्याकाळी खाल्ली जाणारी ब्रेड पोह्याची रेसिपी सांगणार आहोत.

हा ब्रेड पोहा तुम्ही संध्याकाळच्या नाश्त्यामध्ये चहासोबत नक्कीच ट्राय करू शकता. ही ब्रेड पोह्याची रेसिपी एकदम सोपी आहे. शिवाय, ही झटपट करता येणारी रेसिपी आहे. चला तर मग जाणून घेऊयात ब्रेड पोह्याची ही टेस्टी रेसिपी.

ब्रेड पोहा बनवण्यासाठी लागणारे साहित्य खालीलप्रमाणे

• ४ ब्रेडचे स्लाईस

• भाजलेले शेंगदाणे मूठभर

• ३-४ हिरव्या मिरच्या

• कढीपत्ता

• तेल

• जिरे

• मोहरी

• हिंग

• अर्धी वाटी मटार

• कोथिंबीर

• चवीनुसार मीठ

• लिंबाचा रस (आवश्यकतेनुसार)

ब्रेड पोहा बनवण्याची योग्य पद्धत खालीलप्रमाणे :

• ब्रेड पोहा बनवण्यासाठी सर्वात आधी एका पॅनमध्ये तेल गरम करा.

• आता तेल गरम झाल्यावर त्यात जिरे-मोहरी, हिंग, हिरव्या मिरच्या आणि कढीपत्ता घाला.

• फोडणी झाल्यावर आता त्यात मटार आणि शेंगदाणे घालून चांगले परतून घ्या.

• शेंगदाण्यांचा रंग सोनेरी झाल्यावर त्यात हळद आणि मीठ घाला.

• आता सर्व घटक छान एकत्र केल्यानंतर ब्रेडच्या स्लाईसचे तुकडे करून ते पॅनमध्ये छान मिक्स करून घ्या. त्यावर कोथिंबीर घाला.

• हवे असल्यास यात तुम्ही लिंबाचा रस देखील मिसळू शकता. आता गरमागरम ब्रेड पोहा सर्व्ह करा.