Uttapam Sandwich Recipe : सकाळच्या नाश्त्यामध्ये हेल्दी आणि टेस्टी खायला अनेकांना आवडते. नेहमीचे नाश्त्याचे पदार्थ जसे की, पोहे, उपमा, इडली इत्यादी पदार्थ खाऊन अनेकांना कंटाळा येतो. जर तुम्हाला ही रोज तेच खाऊन बोअर झाले असेल आणि काहीतरी वेगळे ट्राय करायचे असेल तर उत्तपमचे सॅंडविच ही रेसिपी नक्की ट्राय करा.

उत्तपम हा एक दक्षिण भारतीय पदार्थ आहे. जो सगळ्यांनाच खायला आवडतो. परंतु, तुम्ही कधी उत्तपमचे सॅंडविच खाल्ले आहे का? जर तुम्ही नसेल खाल्ले तर आज आम्ही तुम्हाला त्याची सोपी रेसिपी सांगणार आहोत.

उत्तपम सॅंडविच बनवण्यासाठी लागणारे साहित्य :

• २ कांदे

• २ कप डोसा बॅटर

• शिमला मिरची २

• २ टोमॅटो

• २ चमचे पालकची प्युरी

• ३-४ हिरव्या मिरच्या

• चीज

• हिरवी चटणी

• मीठ

उत्तपम सॅंडविच बनवण्याची योग्य पद्धत खालीलप्रमाणे :

• सर्वात आधी एका बाऊलमध्ये चिरलेला कांदा, टोमॅटो, शिमला मिरची, चिरलेल्या हिरव्या मिरच्या आणि बारीक चिरलेली कोथिंबीर एकत्रितपणे मिसळा.

• दुसऱ्या एका भांड्यात डोसा पीठ, पालक प्युरी आणि मीठ घालून एकत्रितपणे मिसळून घ्या.

• आता गॅसवर पॅन गरम करायला ठेवा.

• त्यानंतर, उत्तपम बनवून त्यावर चिरलेल्या भाज्यांचे मिश्रण पसरवा.

• त्यानंतर, उत्तपम दोन्ही बाजूंनी सोनेरी होईपर्यंत भाजून घ्या.

• आता या उत्तपमवर हिरवी चटणी पसरवा, त्यावर हवे असल्यास चीज घाला. तसेच, टोमॅटो सॉस घाला. आता या उत्तपमवर दुसरे उत्तपम झाका.

• त्यानंतर, हे दोन्ही उत्तपम सॅंडविचप्रमाणे अर्धे कापून गरमागरम सर्व्ह करा. तुमचे सॅंडविच उत्तपम तयार आहे.