आज आपण बघणार आहोत राजगिऱ्याच्या पिठाचा डोसा कसा तयार करायचा त्याची रेसिपी..

साहित्य:

1) दोन वाट्या बारीक केलेलं राजगिऱ्याचे पीठ

2) हिरव्या मिरच्या चवीनुसार

3) मीठ

4) एक चमचा जिरे

5) एक उकडलेले रताळे

6) तूप

7) पाणी किंवा ताक तुमच्या आवडीनुसार

कृती:

सुरुवातीला मिरच्या, मीठ आणि जिरे मिक्सरमध्ये बारीक वाटून घ्यावेत.त्यानंतर त्यात उकडलेले रताळे चांगले कुस्करून राजगिऱ्याच्या पीठात एकजीव करुन घ्यावे.नंतर मिक्सरमध्ये बारीक केलेले मिश्रण घालून पाणी किंवा ताक मिसळून डोशाच्या पिठाप्रमाणे हे पीठ तयार करावे.तयार झालेले पीठ चांगले एकजीव करुन नॉनस्टिक पॅनवर तूप टाकून खमंग असे डोसे तयार करावेत. हे तयार झालेले स्वादिष्ट डोसे तुम्ही दह्याबरोबर किंवा खोबऱ्याच्या चटणीसोबत खावू शकता.
टीप- राजगिरे पिठ हे घरीच तयार करावे आणि रताळे चांगले शिजवून घ्यावे .