पावसात गरमगरम वाफाळती कॉफी प्यायला सगळ्यांनाच आवडत. काम करतांना अचानक आळस आला तर मूड रिफ्रेश करण्यासाठी अनेकजण कॉफीला पसंती देतात. मग ती ऑफिसमधील कॉफी असो वा घरातील. पण पावसाळ्यात कॉफी सांभाळून ठेवण्यात गृहिणींना तारेवरची कसरत करावी लागते. (How To Store Coffee Powder in monsoon season )

पावसाळा सुरु झाला की वातावरणात अनेक बदल पाहायला मिळतात. या वातावरणाचे परिणाम अनेक गोष्टींवर पाहायला मिळतात. मानवाच्या शरिरापासून ते घरातील स्वयंपाक कट्ट्यापर्यंत पावसाचा परिणाम जाणवत असतो. सर्वांना हवाहवासा पाऊस गृहिणींसाठी खुप त्रासदायक ठरतो. कारण पावसामुळं हवेत निर्माण होणाऱ्या आर्द्रतेमुळं स्वयंपाकघरातील अनेक पदार्थ खराब होतात. यामध्ये तुम्हाला आवडणाऱ्या कॉफीदेखील समावेश आहे.

बहुतांश गृहिणी कॉफी खरेदी करताना मोठी बरणी खरेदी करतात. पण सध्याचे वातावरण पाहता हवेतील आद्रतेमुळं बरणीतील कॉफी ओली होऊन तिचे गठ्ठे तयार होतात. अशी कॉफी वापरण्यायोग्य रहात नाही. अशावेळी नक्की काय करावे असा प्रश्न गृहिणींना पडतो. तर आज आम्ही तुम्हाला काही ट्रिक्स सांगणार आहोत जेणेकरुन तुमची कॉफी खराब होणार नाही.

या ट्रिक्स फॉलो करा

• कॉफीला ओलाव्यापासून वाचवायचे असेल तर तांदळाचे काही दाणे नॅपकिनमध्ये गुंडाळून डब्यात टाका. यामुळे कॉफीमध्ये ओलावा निर्माण होणार नाही.

• कॉफीमध्ये स्टीलचा चमचा कधीही टाकू नका.

• कॉफी जेव्हा हवी असेल तेव्हा चमच्याच्या मदतीने काढा. स्टीलच्या चमच्याच्या थंडपणामुळे कॉफीमध्ये ओलावा निर्माण होतो.

• काचेच्या बाटलीत कॉफी पावडर भरून ती फ्रिजमध्ये ठेवावी. यामुळे कॉफी पावडर ओलसर होणार नाही. तसेच बरेच महिनं कॉफी टिकून राहण्यास मदत होते.

• तसेच कॉफी एअर टाईट बरणीत भरुन ठेवा. त्याला हवा लागणार नाही याची काळजी घ्या.

• काचेच्या बरणीमध्ये कॉफी भरताना बरणीच्या तळाशी एक टिश्यू पेपर ठेवा.

• यासोबतच, पावसाळ्याच्या दिवसात कमळाच्या बी चा वापर करू शकतो. असं केल्यामुळे कॉफी खराब होत नाही आणि त्याच्या गुठळ्याही होत नाहीत.