Janmashtami Special : श्रीकृष्ण जन्म उत्सव संपूर्ण भारतात उत्साहात साजरा होतो. श्रीकृष्ण है प्रत्येकाचे लाडके दैवत. यामुळे या लाडक्या कृष्णाची प्रत्येक गोष्ट साऱ्यांना भुरळ पाडणारी, मग प्रसादाचं तर विचारूच नका. जन्माष्टमीला 'धनिया पंजिरी या प्रसादाला विशेष महत्व असते.. गोपाळकाला तर लहानांपासून मोठ्यापर्यंत सान्यांनाच प्रिय. हा केवळ प्रसाद नाही तर तो तुमच्या आरोग्यासाठीही खूप फायदेशीर आहे. धनिया पंजिरीमध्ये शुद्ध तूप, मखाना खोबऱ्याच कीस, काजू, बदाम आणि खसखस असते जे आरोग्यासाठी खूप फायद्याचे आहे. या धनिया पंजिरीचे विविध फायदे जाणून घेऊया.

यूरीन इन्फेक्शन दूर होते

पंजिरीतील मुख्य घटक असलेल्या जिऱ्यामध्ये बॅक्टेरियाविरोधी गुणधर्म असतात. यात फायबर मॅग्नेशियम, लोह, व्हिटॅमिन सी, व्हिटॅमिन के, कॅल्शियम, फॉस्फरस, पोटॅशियम, फोलेट, बीटा-कैरोटीन आणि अँटीऑक्सिडेट्स देखील असतात हे पचनसंस्थेच्या समस्या आणि यूरीन इनफेक्शन बरे करतात. याव्यतिरिक्त रोगप्रतिकारशक्ती मजबूत करण्यास आणि रक्तातील साखर नियंत्रित करण्यास मदत करतात.

शक्तीवर्धक तूप

व्हिटॅमिन ए, कॅल्शियम, फॉस्फरस, पोटॅशियम यासारखे अनेक पोषक घटक असतात, जे शरीरातील विषारी पदार्थ बाहेर टाकण्यास सक्षम असतात. ओमेगा ३ फॅटी अॅसिडच्या उपस्थितीमुळे तूप खराब कोलेस्ट्रॉल कमी करण्यास मदत करतात. सकाळी रिकाम्या पोटी १ चमचा तूप घेतल्यास यांसारख्या समस्या दूर होतात आणि पचनक्रिया मजबूत होते.

हृदयाच्या आरोग्याचे रक्षण करतो मखाणा

प्रथिने, कार्बोहायड्रेट, गुड फॅट, फॉस्फरस, सोडियम, कॅल्शियम, लोह खनिजे इत्यादी पोषक घटक मखाणामध्ये आढळतात. प्रोटीन असल्यामुळे मखाणा खाल्ल्यानंतर तुम्हाला बराच वेळ पोट भरल्यासारखे वाटेल त्यामुळे मखाणा वजन कमी करण्यासाठी उपयुक्त आहे. तसेच चांगल्या कोलेस्ट्रॉलमुळे हृदयाचे रक्षण होते.

उपयुक्त ड्रायफ्रूट्स

व्हिटॅमिन ई. फायबर आणि प्रथिने समृद्ध बदाम चयापचय गतिमान करतात आणि मेंदू निरोगी ठेवतात. कॉपर, मँगनीज, फॉस्फरस, मॅशियम, जस्त व्हिटॅमिन बी ६, पोटेशियम, लोह मुबलक प्रमाणात असल्याने काजू मुलांसाठी आवश्यक आहेत. (Food)

मनाला मजबूत बनवते खसखस

लोह, कॅल्शियम, ड्रिंक, व्हिटॅमिन बी ६, ओमेगा 3 फॅटी अॅसिड, मैशियम, प्रोटीन, फायबर या घटकांमुळे खसखस हे मेंदूला बळकटी देतात. हे त्वचा, हाडांसाठी देखील फायदेशीर आहे आणि रक्तातील साखर नियंत्रित करते.