- मीनाक्षी काटकर

पावसाळ्यात करवंदे भरपूर प्रमाणात उपलब्ध असतात. करवंद खायला खूप चविष्ट लागते. करवंदाचे मुरब्बा, करवंदाची चटपटीत चटणी, करवंदाचे लोणचे याची चव खूप चविष्ट लागते. कच्ची करवंदे चटणी आणि लोणचे बनवण्यासाठी वापरली जातात.

साहित्य:

- एक किलो करवंद

- १०० ग्रॕम मोहरीची डाळ

- एक मोठी वाटी साखर

- १०० ग्रॕम मीठ

- २५ ग्रॕम कच्च्या सोपेची पूड

- १०० ग्रॕम सुहाना लोणचे मसाला

- २०० ग्रॕम तेल

- दहा ते पंधरा लसूण पाकळ्या.

कृती: करवंद बत्त्याने ठेचा व हाताने तुकडे करा. त्यात मीठ,साखर घालून दोन दिवस ठेवा. छान रस्सा सुटेल. आता कढईत तेल गरम करा. लसणाच्या पाकळ्या टाकून लाल होऊ द्या. गॅस बंद करा. मोहरीची डाळ तेलावर भाजून घ्या, तेल गार झाल्यावर त्यात मोहरीची डाळ, सोप पावडर, लोणचे मसाला घाला. गार झाल्यावर करवंदात ओता. नीट कालवून बरणीत भरा.

(टीप: करवंद हलक्या हाताने ठेचून तुकडे न करता अख्खेही ठेवता येतील.)