Masala Dosa Bites: सकाळी नाश्त्यात काय बनवावे हा प्रश्न पडला असेल तर ही बातमी तुमच्यासाठीच आहे. सकाळच्या धावपळीच चवदार पदार्थ बनवायचा असेल तर मसाला डोसा बाईट्स बनवू शकता. हा पदार्थ बनवायाल सोपा आहे. लहान मुलांपासून मोठ्यांपर्यंत सर्वांना आवडेल. चला तर मग जाणून घेऊया हा पादर्थ बनवण्यासाठी कोणते साहित्य लागते आणि बनवण्याची पद्धत कोणती आहे.

मसाला डोसा बाईट्स बनवण्यासाठी लागणारे साहित्य

तेल - 1 टीस्पून

मोहरी - 1 टीस्पून

हिंग - चिमूटभर

टोमॅटो - 2 चमचे

हिरव्या मिरच्या - 1 टीस्पून

आल्याची पेस्ट - 1 टीस्पून

उकडलेले बटाटे - 1 कप

साखर - 1 टीस्पून

लिंबाचा रस - 1 टीस्पून

कोथिंबीर -सजावटीसाठी

मीठ- चवीनुसार

बटर

मसाला डोसा बाईट्स बनवण्याची कृती

सर्वात आधी एका कढईमध्ये तेल गरम करावे. नंतर त्यात मोहरी,जीरं, बारिक चिरलेला टोमॅटो, कढीपत्ता, बारिक चिरलेला कांदा, आलं आणि लसूण पेस्ट टाकून चांगले शिजू द्यावे. नंतर त्यात उकलेला बटाटा टाकावा आणि चांगले मिक्स करावे. नंतर लिंबाचा रस,साखर आणि कोथिंबीर टाकून चांगले मिक्स करा. नंतर थंड करायला ठेवा.

दुसरीकडे अप्पे पात्र गरम करावे. त्यात पहिले डोशाचे पीठ टाकावे नंतर त्यात बटाट्याचे लहान गोळे करून टाकावे. परत डोशाचे पीठ वरून टाकावे. चांगले शिजू द्यावे. नंतर तयार अप्पे काढून घ्यावे. हिरव्या चटणी किंवा टोमॅटो सॉससोबत सर्व्ह करू शकता.