नागपूर : झुणका-भाकर हा विदर्भातला अत्यंत लोकप्रिय पदार्थ. शेगावचे संत गजानान महाराजांच्या नैवेद्यातही झुणका-भाकरीला विशेष महत्त्व आहे. घरी भाजी नसली की हमखास केला जाणारा पदार्थ म्हणजे झुणका. झुणका-भाकर. मिरचीचा ठेचा आणि तोंडा लावायला कच्चा आधी लोप्रोफाईल असलेला हा पदार्थ आता हाय प्रोफाईल झाला असून मोठमोठ्या पार्ट्यांमध्ये, मोठमोठ्या हॉटेल्समध्ये अलिकडे हमखास आढळतो.

साहित्य

बेसनपीठ १ वाटी, बारीक चिरलेले कांदे अर्धी वाटी, तेल अर्धी वाटी, आलं-लसूण पेस्ट एकेक चमचा, हळद पाव चमचा, धनेपूड अर्धा चमचा, तिखट चवीनुसार, आमचूर, मीठ, साखर चवीनुसार, मोहरी अर्धा चमचा

कृती

तेल गरम झाल्यावर त्यात मोहरी घालावी. मोहरी तडतडल्यावर त्यात आलं, लसूण आणि कांदे घालून चांगल्या प्रकारे परतून घ्यावेत. नंतर त्यात हळद, तिखट, धनेपूड, जिरेपूड, आमचूर व चवीनुसार मीठ, साखर घालून थोडा वेळ परतून घ्यावं. शेवटी बेसनपीठ घालावं व वरून थोडं पाणी घालून वाफेवर शिजवावं. वरून सजावटीसाठी कोथिंबीर घालावी.