नवरात्रीच्या नऊ दिवसांमध्ये उपवासाला काय करायचं हा सर्वात महत्त्वाचा प्रश्न असतो. पण आज आम्ही तुम्हाला आगळी वेगळी अशी हटकी रेसिपी सांगणार आहोत. ती म्हणजे  बटाट्याची बर्फी. ही बर्फी खुप स्वादीष्ट असते.चला तर जाणून घेऊया बटाट्याची बर्फी कशी करायची?

साहित्य -

• जायपत्री

• पिठीसाखर

• साखर

• उकडलेल्या बटाटयाचा लगदा

• नारळाचे खोबरे

• दूध

• वेलदोडे

• सायट्रिक ॲसीड

• जायफळ

कृती:

• पिठीसाखरेखेरीज सर्व पदार्थ एकत्र करून गॅसवर ठेवावे.

• नंतर जरा घट्टसर झाले की वालाएवढे मिश्रण एका वाटीत पाणी घेऊन त्यात घालून पहावे.

• विरघळले नाही म्हणजे उतरावे व डावेने घोटावे.

• जरा वेळ घोटल्यानंतर मग त्यात पिठीसाखर घालून पुन्हा घोटावे व ओलसर आहे तोच तूप लावलेल्या ट्रे किंवा थाळीत मिश्रण ओतून हाताला तूप लावून थापावे.

•  बर्फीसारख्या जाड वडया होतात व अगदी खाण्याच्या बर्फीप्रमाणे बर्फी चवीला सुंदर लागते.

• जायफळ व जायपत्रीचा सुगंध फार सुंदर येतो आणि बटाटयाचा उग्रपणा कमी होतो.

 - मंगला बर्वे